საქართველოში ყავის იმპორტი 8.8%-ით შემცირდა.
საქსტატის მონაცემებით, 2025 წლის იანვარ-მარტში ქვეყანაში იმპორტირებულია 1 689 ტონა ყავა, რომლის ღირებულებამაც 11.2 მილიონ დოლარს გადააჭარბა. ეს კი მაშინ, როცა 2024 წლის იმავე პერიოდში ქვეყანაში 7.87 მილიონი დოლარის ღირებულების 1 853 ტონა მოხალული ან მოუხალავი ყავა შემოვიდა.
აღსანიშნავია ისიც, რომ საქართველოს წელს მარტში ყავის იმპორტი 56%-ით გაუძვირდა. უფრო კონკრეტულად, 1 კგ-ის საშუალო საიმპორტო ფასი გადასახადების გარეშე შარშან 4.25 დოლარი იყო, წელს კი ფასმა 6.63 დოლარს მიაღწია.
2025 წლის იანვარ-მარტში ყავის იმპორტი ძირითადად შემდეგი 5 ქვეყნიდან ხორციელდებოდა:
- ინდონეზია - 3.8 მილიონი აშშ დოლარის 764 ტონა;
- ვიეტნამი - 1.56 მილიონი აშშ დოლარის 288 ტონა;
- რუსეთი - 2.25 მილიონი აშშ დოლარის 261 ტონა;
- იტალია - 1.3 მილიონი აშშ დოლარის 106 ტონა;
- ბრაზილია - 315 ათასი აშშ დოლარის 57 ტონა.
