რუსეთის საგარეო საქმეთა მინისტრი სერგეი ლავროვი ალასკაზე დაგეგმილ აშშ-რუსეთის სამიტში მიიღებს მონაწილეობას, - ამის შესახებ ინფორმაციას რუსული მედია ქვეყნის საგარეო საქმეთა სამინისტროს ინფორმაციისა და პრესის დეპარტამენტის დირექტორის მოადგილე, ალექსეი ფადეევზე დაყრდნობით ავრცელებს.
„დიახ, შემიძლია დავადასტურო, რომ სერგეი ლავროვი პარასკევს, ალასკაზე დაგეგმილ ღონისძიებაში მონაწილეობას მიიღებს“, - განაცხადა ფადეევმა ბრიფინგზე.
შეგახსენებთ, აშშ-ისა და რუსეთის პრეზიდენტების, დონალდ ტრამპის და ვლადიმერ პუტინის შეხვედრა 15 აგვისტოს, ალასკაზე გაიმართება. ამერიკული მედიის ცნობით, შეხვედრა ელმენდორფ-რიჩარდსონის სამხედრო ბაზაზე ჩატარდება.
