ფინანსთა სამინისტროს შემოსავლების სამსახურის საბაჟო გამშვებ პუნქტ „სარფში“ 19 980 კილოგრამი ქათმის გაყინული პროდუქციითა და 1 000 კილოგრამი თევზით დატვირთული 2 ავტოსატრანსპორტო საშუალება შეაჩერეს. ინფორმაციას ამის შესახებ შემოსავლების სამსახური ავრცელებს.
როგორც უწყებაში აღნიშნავენ, ვეტერინარული სასაზღვრო-საკარანტინო კონტროლის პროცედურების განხორციელებისას შესაბამისი სპეციალისტების მიერ აღნიშნული ტვირთის შემოწმების შედეგად გამოვლინდა არადამაკმაყოფილებელი, ჯანმრთელობისთვის საშიში მახასიათებლების არსებობა, ასევე ტრანსპორტირების პირობების უხეში დარღვევა.
კანონმდებლობის შესაბამისად, ტვირთი ექსპორტიორ ქვეყანაში გაბრუნებას დაექვემდებარა.
