შეერთებულ შტატებში ე.წ. შათდაუნის 42-ე დღეს 1200-ზე მეტი ფრენა გაუქმდა, 3000-ზე მეტი კი გადაიდო, – ამის შესახებ „სიენენი“ წერს.
კერძოდ, ავიაკომპანია Southwest Airlines-მა ოთხშაბათისთვის დაგეგმილი დაახლოებით 150, United Airlines-მა კი დაახლოებით 270 რეისი გააუქმა.
როგორც მედია იუწყება, ვიდრე ფედერალური მთავრობის დახურვის დასრულების შესახებ შეთანხმება ოფიციალურად არ იქნება ხელმოწერილი, ავიაკომპანიებმა უნდა განაგრძონ FAA-ს საგანგებო ბრძანების შესრულება ამ კვირაში ფრენების თანდათანობით შემცირების შესახებ. ბრძანების თანახმად, ხუთშაბათისთვის რეისების რვა პროცენტი შემცირდება. პარასკევს მოსალოდნელია, რომ რეისები ათ პროცენტამდე შემცირდება.
შეგახსენებთ, რომ აშშ-ში მთავრობის „შათდაუნი“ 42 დღეა, გრძელდება, თუმცა აშშ-ის სენატმა მიიღო კანონი, რომელიც პირველი ნაბიჯია მთავრობის ხელახალი გახსნისკენ ისტორიაში ყველაზე ხანგრძლივი „შათდაუნის“ შემდეგ.
