თბილისში, მერაბ კოსტავას ქუჩაზე ავარიის შედეგად 2 ადამიანი დაშავდა.
"რადიო თავისუფლება" თვითმხილველებზე დაყრდნობით წერს, რომ ქვეითი გზას არასწორ ადგილას კვეთდა, მანქანის მძღოლმა შეჯახების პრევენციის მიზნით ტროტუარის მხარეს გადაუხვია, თუმცა მიკროავტობუსი მაინც დაეჯახა ფეხით მოსიარულეს. როგორც სასწრაფოს ექიმები ამბობდნენ, ის, სავარაუდოდ, მენჯის მოტეხილობით გადაიყვანეს კლინიკაში.
მეორე დაშავებული ფეხით მოსიარულე ქალია, რომელიც ავარიის დროს ტროტუარზე გადაადგილდებოდა. თვითმხილველების თქმით, სავარაუდოდ, მას მანქანა არ დაეჯახა, თუმცა ფეხი მაინც დაიზიანა მკვეთრი მოძრაობის გაკეთებისას
რადიო თავისუფლების თქმით ავტოსაგზაო შემთხვევის ადგილიდან 20-30 მეტრშია შუქნიშანი და ზებრა გადასასვლელი
[ფოტო: "რადიო თავისუფლება"]
