სამხრეთ-აღმოსავლეთ აზიაში წყალდიდობის შედეგად დაღუპულთა რიცხვი 350-ს აჭარბებს, - ინფორმაციას The Guardian-ი ავრცელებს.
ძლიერი წვიმების შედეგად გამოწვეული წყალდიდობის შემდეგ ინდონეზიაში, ტაილანდსა და მალაიზიაში სამძებრო-სამაშველო სამუშაოები გრძელდება.
ინდონეზიის ხელისუფლების ცნობით, წყალდიდობასა და მეწყერს ქვეყნის მასშტაბით 200-ზე მეტი ადამიანი ემსხვერპლა, ხოლო 100-ზე მეტი ადამიანი კვლავ დაკარგულად ითვლება.
ტაილანდში წყალდიდობის შედეგად დაღუპულთა რიცხვი 162-ს აღწევს.
მალაიზიაში წყალდიდობას ორი ადამიანი ემსხვერპლა, ხოლო საგარეო საქმეთა სამინისტროს ინფორმაციით, თავშესაფრებში 34 000 ადამიანი რჩება.
