აშშ-ის თავდაცვის დეპარტამენტი ჩინეთთან შესაძლო ომისთვის ემზადება, – ამის შესახებ ინფორმაციას „ვოლ სთრით ჯორნალი“ ავრცელებს.
გამოცემის თანახმად, პენტაგონი, შეშფოთებული ჩინეთთან პოტენციური მომავალი კონფლიქტისთვის აშშ-ს იარაღის მცირე მარაგით, მოუწოდებს თავის რაკეტების მომწოდებლებს, გააორმაგონ ან თუნდაც გააოთხმაგონ წარმოების ტემპი სწრაფი გრაფიკით.
გამოცემა წერს, რომ პენტაგონის წარმომადგენლებს და რაკეტების რამდენიმე მწარმოებლის მაღალჩინოსნებს შორის რამდენიმე შეხვედრა გაიმართა. ზოგიერთი წყაროს ცნობით, თავდაცვის მინისტრის მოადგილე, სტივ ფეინბერგი უჩვეულოდ აქტიურ როლს ასრულებს ამ საქმიანობაში, რომელსაც საბრძოლო მასალის დაჩქარების საბჭო ეწოდება და ყოველკვირეულად ურეკავს კომპანიის ზოგიერთ ხელმძღვანელს ამ საკითხის განსახილველად.
სამხედრო ლიდერები თავდაცვის კონტრაქტორებს 12 კრიტიკული იარაღის აწყობის გაზრდისკენ მოუწოდებენ.
