2024 წლის იანვარ-ივნისის პერიოდში საქართველოს მთავრობამ Meta-სგან მომხმარებელთა ინფორმაცია 30-ჯერ გამოითხოვა – ამის შესახებ ინფორმაცია Meta-ს გამჭვირვალობის პლატფორმაზე ქვეყნდება.
საუბარია 2024 წლის პირველ ნახევარში მთავრობის მიერ Meta-სთვის სხვადასხვა მომხმარებლის 50-მდე ანგარიშზე ინფორმაციის გამოთხოვისთვის სამართლებრივი პროცესის დაწყებაზე.
“Meta მთავრობის მიერ ინფორმაციის გამოთხოვას მოქმედი კანონთან და ჩვენს მომსახურების პირობებთან კოორდინაციით პასუხობს. თითოეული მოთხოვნა ფრთხილად განიხილება სამართლებრივი დასაბუთების მიხედვით და შესაძლებელია, უარი ვთქვათ ან დამატებითი ახსნა-განმარტება მოვითხოვოთ მოთხოვნებზე, რომლებიც მეტისმეტად ბუნდოვანი ან ზოგადია” – აღნიშნულია Meta-ს პლატფორმაზე.
კომპანიის თანახმად, საქართველოს მთავრობის მიერ გასული წლის პირველ ნახევარში მონაცემების გამოთხოვის განცხადების საფუძველზე, მოთხოვნათა 76.6%-ის შემთხვევაში Meta-მ გარკვეული მონაცემები გასცა.
Meta-ს მონაცემების თანახმად, მომხმარებელთა ინფორმაციის გაცემის თხოვნით საქართველოს მთავრობისგან ყველაზე მეტი, 47 მოთხოვნა კომპანიას 2023 წლის იანვარ-ივნისის პერიოდში შეუვიდა. 2023 წლის მეორე ნახევარში ეს რიცხვი 32-მდე შემცირდა. პირველ შემთხვევაში Meta-მ მოთხოვნათა 93.6% დააკმაყოფილა გარკვეული ინფორმაციით, მეორე შემთხვევაში კი – 87.5%.
შესაბამისად, 1.5 წელიწადში საქართველოს მთავრობამ Meta-ს სხვადასხვა ანგარიშზე ინფორმაციის გამოთხოვის მიზნით 109-ჯერ მიმართა.
წყარო: bm.ge
