„ქართული ოცნება“ როდესაც მოსახლეობას საქართველოს მასშტაბით ხვდება, ვისმენთ პრობლემებს და ვიგეგმებით ამ პრობლემების გადასაჭრელად, რადიკალური ოპოზიცია, როგორც წინა წელს, ისე ამ არჩევნების წინაც, დადის სხვადასხვა ქვეყნის დედაქალაქებში, – ამის შესახებ ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა განაცხადა.
მისი თქმით, რადიკალური ოპოზიცია, წინა წლის მსგავსად, გარე პატრონებისგან იღებს ინტრუქციებს, როგორ მოიქცეს არჩევნებამდე და არჩევნების შემდეგ.
ამასთან, მაჭავარიანის განცხადებით, საქართველოს მოსახლეობის უმრავლესობა დარმწუნდა, რომ ოთხივე რადიკალური პარტია ერთი ვერტიკალიდან იმართება.
„გრძელდება ზუსტად იგივე სერიალი, რაც წინა წელს ვიხილეთ. „ქართული ოცნება“ როდესაც ვხვდებით მოსახლეობას მთელი საქართველოს მასშტაბით, ვისმენთ პრობლემებს და ვიგეგმებით ამ პრობლემების გადასაჭრელად, რადიკალური ოპოზიცია, როგორც წინა წელს, ისე ამ არჩევნების წინაც, დადის სხვადასხვა ქვეყნის დედაქალაქებში, რომ ინსტრუქციები, დავალებები მიიღონ 4 ოქტომბერთან დაკავშირებით, ანუ, არჩევნებამდე რა უნდა გააკეთონ; და მეორე, პოსტსაარჩევნო პერიოდში რა უნდა გააკეთონ. ჩვენს მოქალაქეებს ეს ყველაფერი არ ეპარებათ, უჩნდებათ ბევრი კითხვის ნიშანი და უკვე ფაქტობრივად ჩვენი მოსახლეობის აბსოლუტური უმრავლესობა დარწმუნდა, რომ ოთხივე რადიკალური პარტია ერთი ვერტიკალით იმართება. დამოუკიდებლად გადაწყვეტილებებს ვერ იღებენ, ეკითხებიან გარე უფროსებს, როგორ იმოქმედონ და საერთოდ არ აინტერესებთ ქვეყნის ეროვნული ინტერესები“, – აღნიშნა ლევან მაჭავარიანმა.
