ქუთაისის გასასვლელთან, მუხრანის ტყესთან, ავტომობილი ტროტუარს შეეჯახა.
შემთხვევის თვითმხილველი “ინფო იმერეთთან” აცხადებს, რომ მანქანა შეჯახების შედეგად ამობრუნდა.
ავტოსაგზაო შემთხვევის შედეგად არავინ დაშავებულა.
ადგილზე მობილიზებული იყო საპატრულო პოლიცია.
“აღნიშნულ პერიმეტრზე იმდენად ვიწროა, მომხდარის შემდეგ ფაქტობრივად გავლაც კი შეუძლებელი იყო. რატომ დაავიწროეს ეს გზა არ ვიცი, აქ ავარიები ხშირად ხდება – მძღოლები ტროტუარებს ეჯახებიან”, – განაცხადა თვითმხილველმა “ინფო იმერეთთან”.
მომხდარზე გამოძიება ადმინისტრაციული წესით დაიწყო.
