თბილისში უბედურ შემთხვევას არასრულწლოვანი ემსხვერპლა.
გოგონას ოჯახის ახლობლების ინფორმაციით, 10 წლამდე გოგონა სარდაფში ჩავარდა და დაიღუპა.
მომხდართან დაკავშირებით განცხადებას ავრცელებს სკოლაც, რომელშიც არასრულწლოვანი სწავლობდა.
სსიპ ქალაქ თბილისის N142 საჯარო სკოლა
გარდაიცვალა ჩვენი სკოლის IVდ კლასის მოსწავლე, ნინო ჩორგოლაშვილი. ეს ტრაგედია დიდ ტკივილს გვაყენებს ყველას, ვინც მას იცნობდა — დამრიგებელს, მასწავლებლებს, თანაკლასელებს, სკოლის თითოეულ წევრს.
ნინო იყო ნათელი, კეთილი და გულთბილი, რომელიც ყოველთვის სიყვარულითა და სითბოთი ავსებდა ირგვლივ მყოფებს. მისი მოულოდნელი წასვლა უდიდესი დანაკლისია ჩვენი სკოლისთვის.
სკოლის თითოეული წევრი ვიზიარებთ ოჯახის მწუხარებას.
