“მე არ ვიცი, რა გადაწყვეტილებას მიიღებს ევროპული საბჭო, თუმცა შემიძლია გითხრათ, რომ ევროპარლამენტი ძალიან ყურადღებით აკვირდება საქართველოში მოვლენებს”, – ეს განცხადება ევროპარლამენტის პრეზიდენტმა რობერტა მეცოლამ საქართველოსთან დაკავშირებით საუბრისას გააკეთა.
მეცოლა ამბობს, რომ საქართველოსთან დაკავშირებით არსებობს კითხვები, რაზეც პასუხები დასავლელ პარტნიორებს ჯერ არ აქვთ. მეცოლა ხაზგასმით ამბობს, რომ თუ საქართველოსთვის დაკისრებული ვალდებულებები შესრულდება, ევროპარლამენტი ამას მიესალმება.
მე არ ვიცი, რა გადაწყვეტილებას მიიღებს ევროპული საბჭო, თუმცა შემიძლია გითხრათ, რომ ევროპარლამენტი ძალიან ყურადღებით აკვირდება საქართველოში მოვლენებს, ჩვენ საქართველოსთან ახლოს ვართ და ჩვენ გამოვხატეთ მხარდაჭერა. თუმცა, ჩვენ გვაქვს კითხვები და ამ კითხვებზე პასუხებია საჭირო. შემდეგ ეტაპზე გადასასვლელად თუ იქნება პირობები შესრულებული, ჩვენ მოხარული ვიქნებით,” – ამბობს რობერტა მეცოლა.