დგინდება გარკვეული შეზღუდვა მხოლოდ და მხოლოდ მრავალბინიან კორპუსში, ბინაში ძაღლების რაოდენობასთან დაკავშირებით, რაც 2025 წლის 1 ივლისიდან ამოქმედდება, – ამის შესახებ პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ ბრიფინგზე განაცხადა.
„საკუთრებაში აიკრძალება 3-ზე მეტი ძაღლის ყოლა, ხოლო იმ შემთხვევაში, თუ ადამიანი ცხოველს თავშესაფრიდან აიყვანს ან მიიკედლებს, ეს შეზღუდვა მათთვის არ იარსებებს“, – აღნიშნა ბითაძემ.
მისივე განმარტებით, შინაური ცხოველების შესახებ კანონპროექტის მთავარი მიზანია ხელი შეეწყოს ცნობიერების ამაღლებას იმ პრაქტიკაზე, რასაც ძაღლების ქუჩაში გაყრა და გამრავლება ჰქვია.