30 ივნისის-6 ივლისის მთავარი თემა სიყვარული, ფული და შემოქმედება იქნება, რადგან ამ კვირის მთავარი მოქმედი ვენერაა - სილამაზის, სიყვარულის და ფულის პლანეტა. ვენერა რამდენიმე ასპექტს შექმნის და 4-ში კუროდან ტყუპში გადაბრძანდება. იმისათვის რომ უკეთ დაგეგმოთ თქვენი ცხოვრება გაეცანით კვირის ასტროლოგიურ პროგნოზს ზოდიაქოს ყველა ნიშნისთვის ჩვენს საიტზე.
3-4 ივლისს ვენერა ურანთან შეერთდება. მისი გავლენით, ჰაერში რაღაც გაბედული, ცქრიალა, განმათავისუფლებელი ლივლივებს. სიყვარული გახდება არაპროგნოზირებადი, იქნება მოულოდნელი კომუნიკაცია, შთაგონება, გულში ცეცხლი. ეს არის მეამბოხე სიყვარული, რომელიც მოულოდნელად მოდის, არღვევს კანონზომიერებებს, მოგიწოდებთ თავისუფლებას. ეს არის მიზიდულობა უჩვეულოსკენ, ახალი ფორმებისკენ, მოულოდნელობებისკენ, გრძნობების გამბედაობისკენ. ამასთან თუ შემოქმედებითი ადამიანი ხართ, შეიძლება შეიძლება რაღაც ორიგინალური შექმნათ ხელოვნებაში. იყავით ფრთხილი ფულის ფლანგვასთან. მოერიდეთ გარეგნობის რადიკალურ ცვლილებას.
4 ივლისს ვენერა ტყუპს ესტუმრება და დარჩება 31 ივლისამდე. იქნება ფლირტი, სიმსუბუქე ურთიერთობაში. სიყვარული ინტელექტუალურ თამაშად გადაიქცევა. შეიძლება გააბათ ინტერნეტრომანი. შემოქმედება გახდება მეტად ჰაეროვანი. ურთიერთობები იქნება ზედაპირული, პასუხისმგებლობის გარეშე. ამასთან, გაფრთხილდით რომ გრძნობებს აყოლილმა არ დაანგრიოთ წლებით ნაშენები კავშირი. მოერიდეთ სასიყვარულო სამკუთხედების შექმნას.
6 ივლისს ვენერა ჰარმონიულ ასპექტს შექმნის სატურნთან. გაჩნდება მოწიფული სიყვარულის გრძნობა, პასუხისმგებლობა საყვარელი ადამიანის მიმართ, სილამაზეში. შეიძლება ზოგიერთმა იგრძნოთ შეზღუდვა საყვარელი ადამიანისგან, ან გადამეტებული მზრუნველობა.
ორშაბათს, 7 ივლისს ვენერა-ნეპტუნის ჰარმონიული ასპექტი გველოდება. თუმცა, გავლენას უკვე შუა კვირიდან იგრძნობთ. ზოგიერთი სიყვარულს გააიდეალებს. მოგინდებათ რომანტიკა, საყვარელი ადამიანისთვის გმირობის ჩადენა. გამონახეთ დრო, რომ შექმნათ რამე ლამაზი ხელოვნებაში; მოუსმინეთ სასიამოვნო მუსიკას. ამავე დღეს, ვენერას ასპექტი რეტროგრადულ პლუტონთან იძლევა ღრმა მიზიდულობას, მაგნეტიზმს, ტრანსფორმაციას გრძნობებში.
ბედნიერ კვირას გისურვებთ!
