💬 "ანი ნასყიდაშვილმა ზუსტად იცოდა, რომ მზადდებოდა დანაშაული. ნასყიდაშვილი პირდაპირ ეუბნება ალექსანდრე გაბაშვილს, რომ წინასწარ ეცოდება და წარმოუდგენია, თუ რას დამართებენ გიგა ავალიანს" - აცხადებს გიგა ავალიანის საქმის პროკურორი, ქეთევან სონიძე

💬"ამას ადასტურებს ანი ნასყიდაშვილსა და ალექსანდრე გაბაშვილს შორის დანაშაულის წინა დღეს და ორი დღით ადრე არსებული მიმოწერები, სადაც ანი ნასყიდაშვილი პირდაპირ ეუბნება გაბაშვილს, რომ წინასწარ ეცოდება და წარმოუდგენია, თუ რას დამართებენ გიგა ავალიანს თავდასხმის შემთხვევაში ბრალდებულები. ცინიკურად, ვითომ თანაგრძნობასაც კი გამოხატავდა მომავალ მსხვერპლთან გიგა ავალიანთან დაკავშირებით.

ტაქსის მძღოლმა ჩვენებაში გვითხრა, რომ როდესაც შემთხვევის ადგილიდან გარბოდნენ რიკაძე და გაბაშვილი, მათ ტაქსიში ისაუბრეს მომხდარზე. ერთი ბრალდებული მეორეს ეუბნებოდა ანისთვის დაერეკა და მოეყოლა ამასთან დაკავშირებით, წასულიყვნენ ანისთან სანახავად. მომხდარის შემდეგ ანგარიში ჩააბარეს ანი ნასყიდაშვილს“, - აღნიშნავს პროკურორი.