დიდმა ბრიტანეთმა უკრაინას LMM ტიპის რაკეტები და გადამჭერი დრონები დაპირებულზე ხუთი თვით ადრე გადასცა. ინფორმაციას გაერთიანებული სამეფოს თავდაცვის სამინისტრო ავრცელებს.
როგორც ბრიტანეთის თავდაცვის უწყება აღნიშნავს, სამხედრო დახმარების დაჩქარება რუსეთის მხრიდან საჰაერო თავდასხმების ფონზე უკრაინის თავდაცვის უნარიანობის გაძლიერებას უკავშირდება.
დიდი ბრიტანეთის თავდაცვის სამინისტროს ინფორმაციით, ქალაქ ბელფასტში წარმოებული რაკეტები უკრაინის ცას 2022 წლიდან, რუსეთის მიერ ომის დაწყების დღიდან იცავს.
