თბილისი-სენაკი-ლესელიძის საავტომობილო მაგისტრალის გორი-ხაშურის მონაკვეთზე მომხდარი ავტოსაგზაო შემთხვევის შედეგად ერთი პირი დაშავდა.
თბილისიდან დასავლეთ საქართველოს მიმართულებით მოძრავი სამგზავრო მიკროავტობუსი მსუბუქ ავტომობილს შეეჯახა.
ავარიის დროს ერთმა პირმა სხეულის დაზიანება მიიღო, დაშავებულის მდგომარეობა სტაბილურია.
შემთხვევის ადგილზე სამართალდამცავები იმყოფებიან. როგორც ,,ინტერპრესნიუსს" შინაგან საქმეთა სამინისტროში განუცხადეს, მომხდარ ფაქტზე დაწყებულია გამოძიება სსკ-ის 276-ე მუხლის მე-2 ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
