პარლამენტის თავმჯდომარე შალვა პაპუაშვილი პრეზიდენტ ზურაბიშვილს 18 ივლისიდან რიგგარეშე სესიის მოწვევის მოთხოვნით მიმართავს, პარლამენტის რიგგარეშე სხდომები კი, 18-19 ივლისს გაიმართება.
რიგგარეშე სესიის ფარგლებში პარლამენტი ახალ გენერალურ პროკურორს აირჩევს. ასევე დაგეგმილია პირველი მოსმენით “ამნისტიის შესახებ“ კანონის პროექტის და რამდენიმე სხვა პროექტის განხილვა და მიღება.
“რიგგარეშე სესიის დანიშვნაზე სალომე ზურაბიშვილისგან დადებითი პასუხის მისაღებად 48-საათიანი ვადაა. იმ შემთხვევაში თუ აქაც იქნება მცდელობა, რომ სალომე ზურაბიშვილმა პარლამენტს მუშაობაში ხელი შეუშალოს, დღეიდან 48 საათის გასვლის შემდეგ, სხდომას მე ჩავნიშნავ. ასე რომ, 18 ივლისს, 12:00 საათზე პლენარული სხდომა ყველა შემთხვევაში გვექნება“, - განაცხადა შალვა პაპუაშვილმა პარლამენტის ბიუროს სხდომაზე.
