რუსეთის მთავრობამ ნორვეგია არამეგობრული სახელმწიფოების სიაში შეიყვანა და ამ ქვეყნის დიპლომატიური წარმომადგენლობებისთვის, რუსეთის ფედერაციის ტერიტორიაზე მყოფ ფიზიკურ პირებთან შრომითი ხელშეკრულებების დადების რაოდენობა შეზღუდა.
ინფორმაცია რუსეთის მთავრობის კაბინეტის საიტზე არის განთავსებული.
"რუსეთის მთავრობამ ნორვეგიის სამეფო იმ უცხო სახელმწიფოების ჩამონათვალში შეიყვანა, რომლებიც საზღვარგარეთ არსებული რუსეთის დიპლომატიური და საკონსულო წარმომადგენლობების წინააღმდეგ მიმართულ არამეგობრულ ქმედებებს ახორციელებენ ", - ნათქვამია განცხადებაში.
განცხადებაში ასევე აღნიშნულია, რომ ნორვეგიის დიპლომატიური მისიისთვის დაქირავებული მუშაკთა ლიმიტი 27 ადამიანით განისაზღვრა.
