100 დღეზე ნაკლებ პერიოდში ახალმა ადმინისტრაციამ იმდენი ზიანი და ნგრევა გამოიწვია, რომ გასაკვირია - ტრამპის ინაუგურაციის შემდეგ ჯო ბაიდენი სიტყვით პირველად გამოვიდა

ტრამპის ინაუგურაციის შემდეგ ჯო ბაიდენი სიტყვით პირველად გამოვიდა. ამერიკის შეერთებული შტატების ყოფილმა პრეზიდენტმა ახალი ადმინისტრაცია გააკრიტიკა. ბაიდენის თქმით, 100 დღეზე ნაკლებ დროში ახალმა ადმინისტრაციამ იმდენი ზიანი და ნგრევა გამოიწვია, რომ ეს გაოცებას იწვევს. ექსპრეზიდენტმა სოციალური დაცვის სისტემის ხარვეზებზე ისაუბრა.

"100 დღეზე ნაკლებ პერიოდში ამ ახალმა ადმინისტრაციამ იმდენი ზიანი და ნგრევა გამოიწვია, რომ ეს გასაკვირია. მათ ნაჯახი დაარტყეს სოციალური უზრუნველყოფის ფუნქციონირებას. ყოველდღიურად ათასობით ადამიანი სოციალური უზრუნველყოფის ვებგვერდს იყენებს, რომ გადაამოწმოს შეღავათები და განაცხადები წარადგინოს. თუმცა ახლა, სოციალური უზრუნველყოფის ადმინისტრაციის ტექნოლოგიური განყოფილება განახევრდა. შედეგად, ვებგვერდი იხურება. ადამიანებს არ შეუძლიათ საკუთარი ანგარიშებიდან გამოსვლა. ხალხნო, წარმოიდგინეთ, რა პანიკას იწვევს ეს", - აცხადებს ამერიკის შეერთებული შტატების ყოფილი პრეზიდენტი ჯოზეფ ბაიდენი.