ავღანეთში მომხდარი 6.3 მაგნიტუდის მიწისძვრის შედეგად დაღუპულთა რაოდენობა 20-მდე გაიზარდა, - ინფორმაციას Reuters-ი ავრცელებს.
აშშ-ის გეოლოგიური სამსახურის ცნობით, მიწისძვრის ეპიცენტრი ქალაქ მაზარ-ე-შარიფთან ახლოს, 28 კმ სიღრმეზე დაფიქსირდა.
ავღანეთის „თალიბანის“ მთავრობის ჯანდაცვის სამინისტროს პრესსპიკერის, შარფატ ზამანის თქმით, დაღუპულთა რიცხვი, სულ მცირე, 20-ს შეადგენს, ხოლო დაშავებულთა რაოდენობა 320-ს აღწევს. ოფიციალური პირების განცხადებით, დაღუპულთა და დაშავებულთა რაოდენობა, შესაძლოა, გაიზარდოს, რადგან სამაშველო ჯგუფები ყველაზე დაზარალებული პროვინციების - ბალხისა და სამანგანის - შორეულ სოფლებში ჩადიან.
ბალხის პროვინციის პრესსპიკერის, ჰაჯი ზაიდის თქმით, მიწისძვრამ მაზარ-ე-შარიფის სალოცავის, ლურჯი მეჩეთის ნაწილი დააზიანა.
მეჩეთი ავღანეთის ერთ-ერთ უწმინდეს ადგილად ითვლება და ითვლება და ის მე-15 საუკუნეშია აშენებული.
