დიდ ბრიტანეთში, ქალაქ მანჩესტერში ძაღლი სამ ადამიანს თავს დაესხა. დაშავებულებს შორის ერთი ჩვილია, ისინი საავადმყოფოში არიან გადაყვანილები. ინფორმაციას deilymail-ი ავრცელებს.
ადგილზე გამოძახებულმა პოლიციამ და კინოლოგების ჯგუფმა ძაღლის დაჭერა შეძლეს. დაშავებულები მანჩესტერის სამეფო კლინიკაში ვერტმფრენის დახმარებით გადაიყვანეს.
მედიაში ძაღლის დაჭერის ვიდეო კადრები გავრცელდა, სადაც ჩანს, რომ შეიარაღებული პოლიციელები ძაღლს სპეციალური საბელების გამოყენებით მანქანაში სვამენ.
