აშშ-ის პრეზიდენტი დონალდ ტრამპი აცხადებს, რომ, შესაძლოა, რუსეთსა და უკრაინასთან დაკავშირებით სამშვიდობო მოლაპარაკებებში „რაღაც კარგი ხდება“. ამის შესახებ მან თავის სოციალურ ქსელში, Truth Social-ში დაწერა.
„ნამდვილად არის შესაძლებელი, რომ რუსეთსა და უკრაინას შორის სამშვიდობო მოლაპარაკებებში დიდი პროგრესი იქნას მიწეული??? ნუ დაიჯერებთ ამას, ვიდრე არ იხილავთ, თუმცა, შესაძლოა, რაღაც კარგი ხდება. ღმერთმა დალოცოს ამერიკა!“ – წერს დონალდ ტრამპი თავის სოციალურ ქსელში.
უკრაინაში ომის დასრულების გეგმასთან დაკავშირებით გუშინ, ჟენევაში უკრაინისა და აშშ-ის დელეგაციების მოლაპარაკებების შემდეგ აშშ-ის სახელმწიფო მდივანმა, მარკო რუბიომ განაცხადა, რომ მოლაპარაკებებზე მიაღწიეს მნიშვნელოვან პროგრესს, თუმცა არის საკითხები, რომლებზეც მუშაობა უნდა გაგრძელდეს.
