აშშ-ის პრეზიდენტ დონალდ ტრამპის მიერ ინდოეთისთვის დაწესებული 50%-იანი ტარიფები ამოქმედდა.
BBC-ის ინფორმაციით, ინდოეთი, მას შემდეგ რაც ტრამპმა ქვეყანას რუსული ნავთობისა და იარაღის შესყიდვებისთვის დამატებით 25%-იანი ჯარიმა დააკისრა, მსოფლიოში ყველაზე მაღალი ტარიფების გადამხდელ ქვეყნებს შორის მოექცა.
გამოცემა წერს, რომ ამან, შეიძლება, დარტყმა მიაყენოს ინდოეთის ექსპორტსა და ეკონომიკურ ზრდას იმის გათვალისწინებით, რომ აშშ, ბოლო დრომდე, ინდოეთის უდიდესი სავაჭრო პარტნიორი იყო.
მიმდინარე თვის დასაწყისში ინდოეთის პრემიერ-მინისტრმა, ნარენდრა მოდიმ პირობა დადო, რომ შეამცირებს გადასახადებს მათი ეკონომიკური ზემოქმედების შესამსუბუქებლად. მან ასევე გამოთქვა მხარდაჭერა შიდა თვითკმარობის გაზრდის მიმართ.
