პაკისტანში აფეთქების შედეგად 12 ადამიანი დაიღუპა და 21 დაშავდა, - ინფორმაციას ადგილობრივი გამოცემა Geo News-ი ავრცელებს.
გამოცემის ცნობით, ისლამაბადში მდებარე სასამართლოს შენობასთან აფეთქება თვითმკვლელმა ტერორისტმა განახორციელა.
პაკისტანის დედაქალაქის პოლიციის განცხადებით, აფეთქება სასამართლოს შენობასთან გაჩერებულ ავტომობილში მოხდა.
ადგილობრივი მედიის ინფორმაციით, მაშველებმა დაშავებულები საავადმყოფოში გადაიყვანეს, მათგან რამდენიმეს მდგომარეობა მძიმეა
