აშშ-ის პრეზიდენტი დონალდ ტრამპი ისრაელთან ერთად ირანის ბირთვულ ობიექტებზე დარტყმას განიხილავს, მათ შორის ფორდოში. ამის შესახებ ინფორმაციას „სიბიესი“ წყაროებზე დაყრდნობით ავრცელებს.
როგორც წყარო „სიბიესს“ უყვება, აღნიშნული საკითხი დონალდ ტრამპს დღეს ეროვნული უსაფრთხოების საბჭოსთან უნდა განეხილა. წყაროების მტკიცებით, საკითხზე სრული თანხმობა აშშ-ის პრეზიდენტის ყველაზე ახლო მრჩევლებს შორის არ არსებობს.
ამასთან, თეთრ სახლის ცნობით, დონალდ ტრამპის ეროვნული უშიშროების საბჭოსთან შეხვედრა დასრულდა. შეხვედრის შემდეგ ტრამპს კომენტარი არ გაუკეთებია.
