სამაუწყებლო კომპანია ''თრიალეთი''  თქვენი რეკლამის საუკეთესო  საშუალებაა!თქვენი განცხადება ეთერში მთელი დღის განმავლობაში საუკეთესო დროს 20-ჯერ გაივლის.                            


ახალი ამბები

ვინ მოკლა დაჩი დარჩია და რა კავშირი აქვს ამ ფაქტთან ეკა ბესელიას შვილს?

14-06-2018

ბესელია ამტკიცებს, რომ მისი შვილი, თვეზე მეტია, თბილისში საერთოდ არ ჩამოსულა...


„მიშველეთ... მიშველეთ"... - ეს იყო დაჩი დარჩიას უკანასკნელი სიტყვები, რომელიც მან სიცოცხლის ბოლო წუთებში წარმოთქვა. „სქაი ბარის" დიჯეი, წარმოშობით ლანჩხუთელი დაჩი დარჩია ინგოროყვას სახელობის საუნივერსიტეტო კლინიკაში მიყვანიდან 10 წუთში გარდაიცვალა. ის მშობლიურ რაიონშია გადასვენებული.


„ღამის 4 საათი იყო დაწყებული, რომ მუშაობა დავამთავრეთ და დაჩი სახლში წავიდა. ავლაბრის მეტროსთან სიგარეტი უყიდია და იქვე, ეკლესიის მიმდებარე ტერიტორიაზე, ბაღთან ტაქსის გასაჩერებლად გადავიდა", - იხსენებს თვითმხილველი. მკვლელს სწორედ ამ დროს ჩაურტყამს დაჩისთვის ზურგის არეში დანა, დაჭრილი ისევ „სქაი ბარისკენ" წამოვიდა. დაჩის სისხლი სდიოდა. ჭრილობა ძალიან ღრმა იყო. ის მხოლოდ შველას ითხოვდა.

 

„მიშველეთ, მიშველეთ", - ამბობდა დაჩი. დაჭრილი მიწისქვეშა გადასასვლელთან ახლოს დავაწვინეთ. სასწრაფო გამოვიძახეთ. საავადმყოფოშიც მე გავყევი, მიყვანიდან 10 წუთში დაიღუპა. ხელებში ჩამაკვდა. როგორც გავიგე, არტერია ჰქონდა გადაჭრილი", - იხსენებს „სქაი ბარის" დირექტორი დავით კვირტია.


დაჩი ბარის დიჯეი იყო. მკვლელობა შსს-მ ცხელ კვალზე გახსნა და 1994 წელს დაბადებული , წარსულში ნასამართლევი მიხეილ გ. განზრახ მკვლელობის ბრალდებით დააკავა.


გამოძიების ინფორმაციით, 30 აგვისტოს, ღამით, ავლაბრის მოედნის მიმდებარე ტერიტორიაზე ურთიერთშელაპარაკებისას დანით მრავლობითი ჭრილობა მიაყენა 1979 წელს დაბადებულ დაჩი დ-ს, რომელიც ინგოროყვას სახელობის კლინიკაში მიყვანის შემდეგ რამდენიმე საათში გარდაიცვალა. სამართალდამცველებმა მიხეილ გ. შემთხვევის ადგილზე დააკავეს. დანაშაულის ჩადენის იარაღი - დანა ნივთმტკიცებად ამოიღეს. დაკავებული აღიარებს ჩადენილ დანაშაულს. გამოძიება განზრახ მკვლელობის ბრალდებით მიმდინარეობს (საქართველოს სსკ-ის 108 მუხლით).


"სქაი ბარის" ერთ-ერთი მეპატრონე და დირექტორი დავით კვირტია დიჯეი დაჩი დარჩიას მკვლელობასთან დაკავშირებით კომენტარს აკეთებს და აცხადებს , რომ დაჩი დარჩიას და მკვლელობაში ეჭვმიტანილს შორის კონფლიქტი "სქაი ბარში" არ დაწყებულა.


როგორც ამბობენ, დაჩი დარჩია "სქაი ბარში" უკრავდა და მკვლელობის დღესაც ჩვეულებრივად დაუკრა, სამუშაო საათების დასრულების შემდეგ კი წავიდა.


ცნობისათვის, დაჩი დარჩიას რეჟისორობით გადაღებულია კლიპი ქეთა თოფურიას მონაწილეობით „შაირები"; ასევე დაჩის გადაღებული აქვს კლიპი მამის, ლევან დარჩიას ლექსებზე „ანდერძის მაგიერ"; იგი იყო რეჟისორი კლიპისა „გოგოვ, გენაცვალები".


დაჩი დარჩია მშობლიურ ლანჩხუთში უკვე ჩამოასვენეს. მას დედა და უმცროსი და დარჩა. დაჩის მამა, ლანჩხუთისთვის კარგად ცნობილი პიროვნება, პროფესიით ეკონომისტი ლევან დარჩია იყო, რომელიც საკმაოდ ახალგაზრდა გარდაიცვალა. ლევან დარჩია ლექსებსაც წერდა. მისი ერთ-ერთი გამორჩეული ლექსია „ანდერძის მაგიერ":


„გმადლობთ, ჩემო შვილებო, კარგი ქალ-ვაჟობისთვის"- წერდა მამა, რომელსაც გულმა მოულოდნელად უმტყუნა.



ამ მკვლელობასთან დაკავშირებით გავრცელდა ინფორმაცია, რომ დაჩი დარჩიას მკვლელობასთან, სავარაუდოდ, კავშირი აქვს ეკა ბესელიას უფროს ვაჟს, რატი მილორავას. სოციალურ ქსელში ეკა ბესელიას მოუწოდეს კიდეც, რომ საზოგადოების სიმართლეში დასარწმუნებლად აუცილებელია ბარის ვიდეოკადრების გასაჯაროება. თავად ბარის დირექტორი კი აცხადებს, რომ არც ეკა ბესელიას შვილი და არც ის პირი, რომელიც დაკავებულია, ბარში არ ყოფილან და მკვლელობა ბარში არ მომხდარა.

საზოგადოება ვიდეოკადრების გასაჯაროების მოლოდინშია.


ეკა ბესელიამ სოციალურ ქსელში ფაქტთან დაკავშირებით ვრცელი პოსტი გაავრცელა, რომელშიც ამტკიცებს, რომ მისი შვილი, თვეზე მეტია, თბილისში საერთოდ არ ჩამოსულა და ქობულეთში, ერთ-ერთ სასტუმროში ისვენებს.


 

 

 

 

 

 

 

წყარო: psnews.ge

 




უკან

 

 

 

 

გადაცემები
გზა ამბულატორიამდე
სიცოცხლის დილემა
საზოგადოებრივი ჯანდაცვა და ცნობიერება
ნიჭიერი ახალგაზრდები
ახალგაზრდა სამოქალაქო აქტივისტები
ახალგაზრდების სურვილები და რეალობა
მრავალეთნიკური წითელუბანი 07/25/2017
დაკეტილი სახლები და ღია კარი მიგრაციისთვის
იძულებითი მიგრაცია
ებრაელების მიგრაცია სურამიდან
სოფელი პროგრამის, ბურთი მოედნის გარეშე
აფრიკა თბილისში
დერეფანი
თვითმმართველობის გუშაგები
ეზოში მიუსაფარი ძაღლია
კვირის პერსონა
22:00
მსოფლიო ამბები
კვირა 18:00
ვიდეო არქივი
ეს რადიო
ძაღლი, რომელიც ითვლის
ლევან ქურდაძე წლებია სახლიდან არ გასულა
ეს საინტერესოა - გამოგონებები
ექსპრეს-ინტერვიუ ზაქარია ქუცნაშვილთან
ყველა ვიდეო
გამოკითხვა

 

 

 

 

 

ვალუტის კურსი

2012-2015 ყველა უფლება დაცულია

Created by SPAR.GE