ცნობილი ამერიკელი რეპერის, შონ კომბსის, იგივე პი დიდის (P. Diddy) სექს-ტრეფიკინგის ბრალდებასთან დაკავშირებულ საქმეზე სასამართლო განხილვა 5 მაისს იწყება.
აშშ-ს პროკურორის თანაშემწის, ემილი ჯონსონის განცხადებით, პატიმრობაში მყოფი რეპერის ადვოკატები ცდილობდნენ გამოერიცხათ „მამხილებელი მტკიცებულება“ იმაზე აპელირებით, რომ ის მთავრობამ გაავრცელა.
ჯონსონმა გააპროტესტა ადვოკატების არგუმენტი, რომლის თანახმადაც, აშშ-ის შიდა უსაფრთხოების დეპარტამენტმა მედიაში გაავრცელა ვიდეო, სადაც კომბსი ფიზიკურად უსწორდება თავის ყოფილ პროტეჟსა და მეგობარ გოგონას, R&B-ის მომღერალს, ლოს-ანჯელესის სასტუმროს დერეფანში 2016 წელს.
„ამ სავარაუდო გაჟონვათაგან არც ერთი არ არის ბრალდების მხრიდან“, - აღნიშნა ჯონსონმა.
შეგახსენებთ, 54 წლის შონ კომბსი 11 სექტემბერს სექსუალური ტრეფიკინგის, შატნაჟის, ქალებზე ძალადობის ბრალდებებით დააკავეს. ის ბრალს არ აღიარებს.
