მაკა ბოჭორიშვილი საქართველოში კატარის სახელმწიფოს ელჩს შეხვდა

მაკა ბოჭორიშვილი საქართველოში კატარის სახელმწიფოს ელჩს შეხვდა

03-02-2025 20:10
კატეგორიები: პოლიტიკა
პოსტი ნახა: 447

საქართველოს საგარეო საქმეთა მინისტრი მაკა ბოჭორიშვილი საქართველოში კატარის სახელმწიფოს ელჩს, ჰასან ბინ აჰმედ ალ-მუტავას შეხვდა. ინფორმაციას საქართველოს საგარეო საქმეთა სამინისტრო ავრცელებს.

უწყების ცნობით, შეხვედრაზე მხარეებმა ყურადღება გაამახვილეს ორმხრივ ურთიერთობათა დღის წესრიგის ძირითად ასპექტებზე, მათ შორის, ეკონომიკური კავშირების პოზიტიურ დინამიკასა და მათი გაღრმავების შესაძლებლობებზე. აღინიშნა, რომ საქართველოსთვის მნიშვნელოვანია ყურის ქვეყნებთან თანამშრომლობის განმტკიცება როგორც ორმხრივ, ისე მრავალმხრივ ფორმატებში.

გარდა ამისა, შეხვედრაზე საუბარი შეეხო საქართველოსთვის ტურიზმის სფეროს განვითარების მნიშვნელობასაც და აღინიშნა, რომ ამ კუთხით კატარის სახელმწიფო მიმზიდველ ბაზარს წარმოადგენს. ამასთან, მხარეებმა ხაზგასმით აღნიშნეს ავიაკომპანია „კატარის ავიახაზების“ წარმატებული ოპერირება საქართველოში, რაც განსაკუთრებით მნიშვნელოვანია ეკონომიკური და ხალხთაშორისი კავშირების გაღრმავებისთვის.



მსგავსი სიახლეები

გადაცემები

აქტუალური თემა - ოთო მღებრიშვილთან ერთად
ოთხშაბათი - პარასკევი, 20:00

აქტუალური თემა - ოთო მღებრიშვილთან ერთად

ახალი შუადღე
სამშაბათი, 13:00

ახალი შუადღე