ქუთაისმა ბერძნულ-რომაული სტილით ჭიდაობაში თეიმურაზ აფხაზავას სახელობის 22-ე საერთაშორისო ტურნირს უმასპინძლა.
შეჯიბრებები სხვადასხვა წონით კატეგორიაში ორი დღის განმავლობაში ქუთაისის სპორტის სასახლეში მიმდინარეობდა. მასში მონაწილეობდნენ სპორტსმენები ესტონეთიდან, ლიტვიდან, სომხეთიდან, პოლონეთიდან, ჩინეთიდან, უნგრეთიდან, უკრაინიდან და ისრაელიდან.
გამარჯვებულები და საპრიზო ადგილებზე გასული სპორსტმენები შესაბამისი თასებით, მედლებითა და სიგელებით დაჯილდოვდნენ.
