77 ხმით, პარლამენტმა „საქართველოს მეცნიერებათა ეროვნული აკადემიის შესახებ’’ საქართველოს კანონში ცვლილების შეტანის თაობაზე“ კანონპროექტი პირველი მოსმენით მიიღო.
კანონში შესატან ცვლილებებზე განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ გიორგი ჩაკვეტაძემ ისაუბრა.
მომხსენებლის ინფორმაციით, მეცნიერებათა ეროვნულ აკადემიაში ჯერ კიდევ 2009 წელს შეწყდა აკადემიის წევრ-კორესპონდენტთა არჩევა, რამაც მათი რაოდენობის თანდათან შემცირება გამოიწვია. იმისთვის, რომ მეცნიერებათა აკადემიამ სრულფასოვანი საქმიანობის გაგრძელება შეძლოს, აუცილებელია მათი შემადგენლობის განახლება და წევრ-კორესპონდენტთა არჩევის წესის საკანონმდებლო რეგულირება.
კანონპროექტი პარლამენტში დაჩქარებული წესით განიხილება.
