რუსეთის შეიარაღებულმა ძალებმა უკრაინის ქალაქი კრივი რიჰი ბალისტიკური რაკეტით დაბომბა, რის შედეგადაც ოთხი ადამიანი დაიღუპა, ხოლო სამი დაშავდა. ინფორმაციას უკრაინული მედია ადგილობრივი ხელისუფლების წარმომადგენლებზე დაყრდნობით ავრცელებს.
დაღუპულთა შორის სამი ქალი და ერთი მამაკაცია. რაც შეეხება დაშავებულებს, ესენი არიან 22 წლის გოგო და 34 და 56 წლის მამაკაცები. მათი მდგომარეობა მძიმეა.
წინასწარი ინფორმაციით, ბალისტიკური რაკეტა ქალაქში განლაგებულ სასწავლო დაწესებულებასა და საცხოვრებელ სახლს მოხვდა.
