მამაკაცს, რომელმაც გასულ წელს სლოვაკეთის პრემიერ-მინისტრ რობერტ ფიცოს ესროლა, 21 წლით თავისუფლების აღკვეთა მიუსაჯეს, - ინფორმაციას Reuters-ი ავრცელებს.
სლოვაკეთის სასამართლომ 72 წლის იურაი ცინტულას, რომელმაც 2024 წლის მაისში ფიცოს ესროლა, ტერორიზმის ბრალდებით 21 წლით თავისუფლების აღკვეთა მიუსაჯა.
დაკავებულს სასამართლოს გადაწყვეტილების გასაჩივრება სლოვაკეთის უზენაეს სასამართლოში შეუძლია.
შეგახსენებთ, მწერალმა იურაი ცინტულამ სლოვაკეთის პრემიერ-მინისტრს, რობერტ ფიცოს გასულ წელს ქალაქ ჰანდლოვაში ოთხჯერ ესროლა. ცინტულას განცხადებით, მას ფიცოს მოკვლა არ სურდა.
