რუსეთის პრეზიდენტმა, ვლადიმერ პუტინმა უკრაინისთვის „ტომაჰავკების“ შესაძლო გადაცემასა და რუსეთის ტერიტორიაზე შორ მანძილზე მოქმედი დასავლური იარაღით დარტყმასთან დაკავშირებით ისაუბრა.
ჟურნალისტის კითხვის საპასუხოდ პუტინმა აღნიშნა, რომ მსგავსი ტიპის იარაღით რუსეთზე თავდასხმას სერიოზული შედეგები მოჰყვება.
„ეს ესკალაციის მცდელობაა. თუ რუსეთის ტერიტორიაზე ასეთი იარაღით დარტყმები განხორციელდება, პასუხი ძალიან სერიოზული იქნება, თუ გამაოგნებელი არა. დაფიქრდნენ ამაზე“, – განაცხადა პუტინმა.
