ევროპა გეგმავს გაზარდოს თავდაცვის წარმოება და ხარჯები, გააძლიეროს როგორც ევროპის, ისე უკრაინის სამხედრო შესაძლებლობები, - ამის შესახებ ევროკომისიის პრეზიდენტმა, ურსულა ფონ დერ ლაიენმა უკრაინის და რუსეთის საკითხებში აშშ-ის სპეციალურ წარმომადგენელთან კეიტ კელოგთან შეხვედრაზე განაცხადა.
კომისიის მიერ გავრცელებულ პრესრელიზში აღნიშნულია, რომ პრეზიდენტმა ხაზი გაუსვა ევროკავშირის მნიშვნელოვან როლს უკრაინის ფინანსური სტაბილურობისა და თავდაცვის უზრუნველყოფაში და რომ უკრაინის წინააღმდეგ ევროკავშირის ჯამური ვალდებულება 135 მილიარდ ევროს შეადგენს, რაც ნებისმიერი სხვა მოკავშირის მიერ გაღებულ დახმარებაზე მეტია.
„პრეზიდენტმა ურსულა ფონ დერ ლაიენმა კიდევ ერთხელ დაადასტურა ევროკავშირის ერთგულება სამართლიანი და ხანგრძლივი მშვიდობის მიმართ, პრეზიდენტმა გაიმეორა, რომ ნებისმიერმა გამოსავალმა პატივი უნდა სცეს უკრაინის დამოუკიდებლობას, სუვერენიტეტსა და ტერიტორიულ მთლიანობას, რომელსაც ამყარებს უჭერს უსაფრთხოების ძლიერი გარანტიები. მან ასევე გამოხატა ევროკავშირის მზადყოფნა, იმუშაოს აშშ-სთან ერთად, რათა დასრულდეს სისხლისღვრა და ხელი შეუწყონ სამართლიანი და ხანგრძლივი მშვიდობის უზრუნველყოფას, რასაც უკრაინა და მისი ხალხი სამართლიანად იმსახურებენ“, - აღნიშნულია პრესრელიზში.
შეგახსენებთ, ურსულა ფონ დერ ლაიენსა და კიტ კელოგს შორის შეხვედრა დღეს, ბრიუსელში გაიმართა.
