პუტინი ცინიკურად აგრძელებს თავისი „ენერგეტიკული დიპლომატიის“ პრაქტიკას, რომელიც რაკეტებით არის აღჭურვილი: ანადგურებს ელექტროსადგურებს, ბომბავს მილსადენებს და ცდილობს უკრაინელებს ზამთრის წინ გაყინვას, - ასე ეხმაურება ლიეტუვის საგარეო საქმეთა მინისტრი კიასტუტის ბუდრისი რუსეთის მიერ უკრაინაზე ღამით განხორციელებულ თავდასხმას.
მისი თქმით, წუხელ რუსეთმა კიდევ ერთი მასშტაბური თავდასხმა განახორციელა უკრაინაზე, რომელიც, სავარაუდოდ, ყველაზე დიდი დარტყმაა უკრაინის გაზის ინფრასტრუქტურაზე რუსეთის მიერ სრულმასშტაბიანი ომის დაწყების შემდეგ.
„ეს არის სუფთა ტერორი, რომელიც იარაღად გამოიყენება სიცივისა და სიბნელის მეშვეობით. საპასუხო დარტყმის დროა - რუსეთის მთელ ენერგეტიკულ სექტორზე დარტყმით, ენერგეტიკული ინფრასტრუქტურის მხარდაჭერის გაზრდით, უკრაინისთვის გაყინული რუსული აქტივების ჩამორთმევით და გამოყენებით, უკრაინისთვის თავდაცვისთვის საჭირო იარაღის მიწოდებით, ასევე უკრაინისთვის რუსეთის რაკეტებისა და დრონების წარმოების ობიექტების განადგურების საშუალებების მიწოდებით“, - წერს ლიეტუვის საგარეო უწყების ხელმძღვანელი.
მისი განცხადებით, ევროკავშირი და წევრი სახელმწიფოები იმ პოზიციაში არიან, რომ გამოიყენონ თავიანთი ინსტრუმენტები და დაუკავშირდნენ თავიანთ ენერგეტიკულ სექტორებს და მესამე ქვეყნების წარმომადგენლებს, რათა დაადგინონ ყველა სათადარიგო ტრანსფორმატორი და გენერატორი, რომელიც უკრაინას ამჟამად კრიტიკულად სჭირდება.
„განაგრძეთ მცდელობა, პუტინო - სიბნელე ვერ დამალავს შენს დამარცხებას. ვერცერთი რაკეტა, შენიც კი, ვერ ჩააქრობს უკრაინის სინათლეს და ვერ გატეხს მის სულს“, - წერს კიასტუტის ბუდრისი.
