Bloomberg-ის 15 ივნისის მონაცემებით, SpaceX-ისა და Tesla-ს დამფუძნებელი, ილონ მასკი მსოფლიოს უმდიდრეს ადამიანთა შორის კვლავაც ლიდერია.
Bloomberg-ის მონაცემებით, მისი ქონება ამჟამად 368 მილიარდ დოლარს შეადგენს. აღსანიშნავია ისიც, რომ მასკის ქონება ბოლო პერიოდში 4.43 მლრდ დოლარით გაიზარდა.
ამასთანავე, ბოლო მონაცემების მიხედვით, Bloomberg-ის მილიარდერების რეიტინგში ლიდერი 10 უმდიდრესი ადამიანიდან ორის გარდა, ყველას ქონება შემცირდა.
კერძოდ, ბოლო პერიოდში მასკის გარდა, გაიზარდა მხოლოდ Oracle-ის თანადამფუძნებლის ლარი ელისონის ქონება. ამ შემთხვევაში ერთი დღის ჭრილში ზრდამ 13.9 მილიარდი დოლარი შეადგინა და მთლიანი წმინდა ქონება 234 მილიარდ დოლარს გაუტოლდა.
უფრო დეტალურად, Bloomberg-ის მსოფლიოს 10 უმდიდრესი ადამიანის ქონება და ერთი დღეში ცვლილება ასე გამოყურება:
- ილონ მასკი - 368 მილიარდი დოლარი (+4.43 მლრდ დოლარი);
- მარკ ცუკერბერგი - 241 მლრდ დოლარი (-3.57 მლრდ დოლარი);
- ლარი ელისონი - 234 მლრდ დოლარი (+13.9 მლრდ დოლარი);
- ჯეფ ბეზოსი - 233 მლრდ დოლარი (-936 მლნ დოლარი);
- ბილ გეიტსი - 177 მლრდ დოლარი (-498 მლნ დოლარი);
- სტივ ბალმერი - 164 მლრდ დოლარი (-1.25 მლრდ დოლარი);
- ლარი ფეიჯი - 158 მლრდ დოლარი (-751 მლნ დოლარი);
- ვორენ ბაფეტი - 153 მლრდ დოლარი (-781 მლნ დოლარი);
- ბერნარ არნო - 150 მლრდ დოლარი (-2.46 მლრდ დოლარი)
- სერგეი ბრინი - 148 მლრდ დოლარი (-665 მლნ დოლარი).
