პოლონეთში, შვიეტოჩლოვიცეს ერთ-ერთ მაღაზიაში საქართველოს მოქალაქე დიდი რაოდენობით კბილის პასტების ქურდობისთვის დააკავეს.
საქართველოს 30 წლის მოქალაქე კბილის პასტებით სავსე ზურგჩანთით მაღაზიის დაცვამ შეამჩნია. როგორც პოლონური მედია წერს, იმავე მაღაზიაში შემთხვევით აღმოჩნდა პოლიციელი, ის ქურდს გაეკიდა და რამდენიმე ათეული მეტრის დევნის შემდეგ დაიჭირა. საქართველოს მოქალაქე ძვირადღირებული კბილის პასტების ქურდობის ბრალდებით დააკავეს.
