„საშუალო ხელფასი საქართველოში ისტორიულ მაქსიმუმზეა და 1 855 ლარს შეადგენს,“ - ამის შესახებ ეკონომისტი სოსო ბერიკაშვილი „ფეისბუქის“ პირად გვერდზე წერს.
მის პოსტს უცვლელად გთავაზობთ:
„ნომინალური საშუალო ხელფასი საქართველოში 1 855 ლარია (საშემოსავლო გადასახადი შედის ამაში და საპენსიოც) და ეს ისტორიული მაქსიმუმია.
ამ გრაფიკზე ხედავთ ხელფასებს სექტორების მიხედვით. წლების განმავლობაში ფინანსურ სექტორში იყო ყველაზე მაღალი ხელფასები, თუმცა როგორც ხედავთ, უკვე მნიშვნელოვნად უსწრებს ტექნოლოგიები და აქ საშუალო ხელფასი არის თითქმის 4 000 ლარი. 32%-ით არის გაზრდილი ხელფასები მშენებლობის სექტორში (ბინების გაძვირების პარალელურად) და ეს სექტორი 3 033 ლარით მეორე ადგილზეა.
განათლება არის სტაბილურად ბოლო ადგილზე. მის წინაა სოფლის მეურნეობა, წყალმომარაგება და კანალიზაცია,“-წერს ბერიკაშვილი.
