ასეთი პოლიტიკოსები არიან საჩუქარი წინასაარჩევნო პერიოდში მმართველი გუნდისთვის, - ასე გამოეხმაურა საქართველოს პრემიერ-მინისტრი, ირაკლი კობახიძე გერმანიის ბუნდესტაგის საგარეო საქმეთა კომიტეტის თავმჯდომარის, მიხაილ როთის საქართველოში ვიზიტს და მის მიერ საქართველოს ხელისუფლების მისამართით გაჟღერებულ კრიტიკას.
მისი თქმით, საზოგადოებისთვის ცნობილია მიხაილ როთის რეპუტაცია.
„ასეთი პოლიტიკოსები არიან საჩუქარი წინასაარჩევნო პერიოდში მმართველი გუნდისთვის. თქვენ იცით, როგორია ამ კაცის {მიხაილ როთი} რეპუტაცია. შესაბამისად, რაც მეტი ასეთი პოლიტიკოსი ჩამოვა საქართველოში, მით უკეთესი მმართველი გუნდისთვის და მისი საარჩევნო პოზიციებისთვის“, - განაცხადა კობახიძემ.
