ბათუმში 10 წლის ბავშვს კორნავირუსი დაუდასტურდა

საქართველოში კორონავირუსით ინფიცირებულთა რიცხვი კიდევ 2-ით გაიზარდა — 1 აპრილის 19:30 საათის მონაცემებით, ქვეყანაში ჯამში Covid-19-ით ინფიცირების 117 შემთხვევაა დაფიქსირებული.

როგორც მარინა ეზუგბაიამ ახლახანს განუცხადა ჟურნალისტებს, ერთ-ერთი ახალი პაციენტი, რომელიც ინფექციურ საავადმყოფოში გადაიყვანეს, სომხეთიდან ჩამოვიდა.

„ინფიცირებული არის სომხეთიდან ჩამოსული პაციენტი. მისი მდგომარეობა ჯერჯერობით არ არის მძიმე“, – განაცხადა მან.

მეორე პაციენტი, 10 წლის ბავშვი, ახლა გადმოჰყავთ ბათუმიდან. ეზუგბაიას თქმით, პაციენტის ისტორია ამ ეტაპზე მისთვის უცნობია.

Related posts