თბილისში ავარიის შედეგად სატვირთო ავტომობილის მძღოლი დაიღუპა. გავრცელებული ინფორმაციით, სატვირთო ავტომობილი ხეს შეეჯახა. შემთხვევა დილით, იუსტიციის სამინისტროს მიმდებარედ მოხდა.
როგორც შინაგან საქმეთა სამინისტროში განაცხადეს, ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
