გორში, 14 წლის წინ გაუჩინარებული ბიჭის ცხედრის მოსაძებნად სამართალდამცველები ამ დრომდე მუშაობენ

სამართალდამცველები გორში, ახალბაღის ტერიტორიაზე 14 წლის წინ გაუჩინარებული ბიჭის ცხედრის მოსაძებნად ამ დრომდე მუშაობენ. კულტურისა და დასვენების პარკის ნაწილი პოლიცის ოპერატიული ლენტით შემოსაზღვრულია, სადაც მოსახლეობას გადაადგილება არ შეუძლია.

არაოფიციალური ინფორმაციით, აქტიური სამძებრო სამუშაოები 14 წლის წინ გაუჩინარებული 11 წლის ზაქრო ბერძნიშვილის ცხედრის აღმოსაჩენად მიმდინარეობს.

გავრცელებული ინფორმაციით, გორში, 9 წლის ნანა ბერიაშვილის სასტიკ მკვლელობაში ბრალდებულმა იაგო ნებიერიძემ ​ 2004 წელს გაუჩინარებული ბავშვის ცხედრის ადგილ სამყოფელად სწორედ ეს ტერიტორია დაასახელა.

სამართალდამცველები პარკში თითქმის 14 საათია რაც მუშაობენ, თუმცა როგორც “პრაიმტაიმისთვისაა” ცნობილი ცხედრის აღმოჩენა ამ დომდე ვერ მოხერხდა.

გავრცელებული ინფორმაციით, გუშინ საღამოს აღნიშნულ ტერიტორიაზე შინაგან საქმეთა სამინისტრომ საგამოძიებო ექსპერიმენტი ჩაატარა. ფაქტთან დაკავშირებით შინაგან საქმეთა სამინისტრო ამ დრომდე ოფიციალურ კომენტარს არ აკეთებს. ადგილზე იმყოფებიან 2004 წელს გაუჩინარებული ზაქრო ბერძენიშვილის ოჯახის წევრებიც, თუმცა მედიასთან კომენტარს ამ დრომდე არავინ აკეთებს.

 

ავტორი: მახო მიქელაძე

primetime.ge

 

Related posts