თბილისის ვიცე-მერი: მერიას ახალი მანქანების შეძენა 1 მილიონი ლარი დაუჯდება, ცხენებით ვერ ვივლით

თბილისის ვიცე-მერი: მერიას ახალი მანქანების შეძენა 1 მილიონი ლარი დაუჯდება, ცხენებით ვერ ვივლით   თბილისის მუნიციპალიტეტის თანამშრომლები ცხენებით ვერ ივლიან, – ამის შესახებ თბილისის საკრებულოს სხდომაზე თბილისის მერის მოადგილემ მაია ბითაძემ განაცხადა, რომელიც ფრაქცია „ნაციონალური მოძრაობის“ წევრის ლევან ხაბეიშვილის შეკითხვას გამოეხმაურა. ფრაქცია „ნაციონალური მოძრაობის“ წევრი ლევან ხაბეიშვილი მერიის ხელმძღვანელობისგან ითხოვდა განემარტათ, რატომ იყო საჭირო მერიის ადმინისტრაციის ხარჯების 1 მილიონი ლარით გაზრდა, რომლითაც ახალი ავტომობილების შეძენა მოხდება. მაია ბითაძის განმარტებით, ტექდათვალიერების გავლის შემდეგ ზედამხედველობის დეპარტამენტის ავტომობილები ჩამოსაწერი გახდება, სწორედ ამიტომ, ეს იყო ერთ-ერთი მთავარი გამომწვევი მიზეზი, რის გამოც ბიუჯეტის კორექტირება მოხდა.…

ლაგოდეხში მაშველებმა კლდეში ჩავარდნილი მამაკაცის ცხედარი ამოიტანეს

საგანგებო სიტუაციების მართვის სამსახურის მაშველებმა სოფელ მსხალგორის სიახლოვეს არსებულ მთებში, კლდეში ჩავარდნილი 23 წლის მამაკაცის ცხედარი ამოიტანეს. ​შეტყობინება საგანგებო სიტუაციების მართვის სამსახურში 26 ივლისს, 15:28 საათზე შევიდა. ​ურთულესი რელიეფის გამო შეუძლებელი გახდა საფეხმავლო ბილიკების გამოყენებით ცხედრის გადმოსვენება, რის გამოც სამაშველო სამუშაოებში, 27 ივლისს, გამთენიისას ჩაერთო შსს-ს სასაზღვრო პოლიციის ვერტმფრენი. ​ახალგაზრდა მამაკაცის ცხედარი  უკვე პროზექტურაშია გადასვენებული. წყარო: primetime.ge

ბარნოვის ქუჩაზე, 25 წლის თამარ გამრეკელაშვილის მკვლელობისთვის დაკავებულს დამატებით 7 ახალი ბრალი წაუყენეს

ბარნოვის ქუჩაზე 25 წლის თამარ გამრეკელაშვილის მკვლელობაში ბრალდებულს, დამამძიმებელ გარემოებებში განზრახ მკვლელობის გარდა, პროკურატურამ ბრალი კიდევ შვიდ ეპიზოდთან დაკავშირებით, მათ შორის გაუპატიურების მუხლით წაუყენა. ვეფხია ბაქრაძეს გამრეკელაშვილის მკვლელობის ეპიზოდთან დაკავშირებით მხოლოდ ორი ბრალდება აქვს წაყენებული. სისხლის სამართლის კოდექსის 6 სხვადასხვა მუხლით კი გამოძიებამ მას ბრალი მოკლულის დედის, ნათელა გობაძის მიმართ ჩადენილი დანაშაულების გამო წაუყენა. ამასთან, ბრალდების ყველა ეპიზოდს ოჯახური დანაშაულის კვალიფიკაცია მიენიჭა. რაც შეეხება ბრალდებებს, ვეფხია ბაქრაძეს ჯამში 25 წლის თამარ გამრეკელაშვილის დამამძიმებელ გარემოებებში განზრახ მკვლელობას, სხვისი ნივთის დაზიანებას ან განადგურებას, თავისუფლების უკანონო აღკვეთას, დამამცირებელ ან არაადამიანურ მოპყრობას, ძალადობას, მუქარას,…

სამხარეო პოლიციის უფროსი სვანეთში შეკრებილ მოსახლეობას დაშლისკენ მოუწოდებს

სამხარეო პოლიციის უფროსი, ნიკოლოზ დიასამიძე სვანეთში მოსახლეობასთან მოლაპარაკებებს მართავს. მან ადგილობრივებს განუცხადა, რომ სამართალდამცველები ჭუბერსა და ხაიშში უკანონო სახერხების  გამოსავლენად უკანონო ხე-ტყის ამოსაღებად შევიდნენ. ნიკოლოზ დიასამიძემ სვანეთში შეკრებილ მოსახლეობას დაშლა მოსთხოვა. ამ წუთებში უკიდურესად დაძაბულია ვითარება სვანეთში. ჭუბერისა და ხაიშის თემში მობილიზებულ ასეულობით სამართალდამცველს ხელკეტებითა და ქვებით შეიარაღებული მოსახლეობა უპირისპირდება. ადგილობრივი მოსახლეობა ამბობს, რომ შეიარაღებულ პოლიციელებს ნენსკრასა და ხაიშის წყლის ხეობაში შესვლის საშუალებას არ აძლევს. პერიოდულად ხდება შეტაკებებიც. მოსახლეობამ პოლიციელებს რამდენჯერმე ქვები დაუშინა.   წყარო: rustavi2.ge

ჭუბერის მკვიდრი – სოფელში პოლიციაა შემოსული, დგანან ნიღბებით და ფარებით ჩვენს წინააღმდეგ

ადგილობრივების ინფორმაციით, ჭუბერში ფინანსთა სამინისტროს საგამოძიებო სამსახურის წარმომადგენლები მუშაობენ. როგორც ჭუბერის მკვიდრი გარი ჩხვიმიანი აცხადებს, საგამოძიებო სამსახურის წარმომადგენლები დაბაში გამთენიისას, 05:00 საათიდან გამოჩნდნენ. ადგილობრივების ნაწილი აღნიშნულს აპროტესტებს, რის გამოც ამ დროისთვის ხაიშის ცენტრშია შეკრებილი. „ხაიშის ცენტრში გზის ერთ მხარეს ხელკეტებით მოსახელობა დგას, ხოლო მეორე მხარეს პოლიცია. გარეთ ვართ ყველა გამოსული – დიდი და პატარა. ერთმანეთის პირისპირ დგანს მოსახლეობა და პოლიცია. რამდენიმე ადამიანი ვდგავართ შუაში, რომ არ მოხდეს დაპირისპირება. პოლიციელები არიან ნიღბებით და ფარებით ჩვენს წინაააღმდეგ. მოსახლეობა ერთმანეთს ვიცავთ სახელმწიფოსგან. პრემიერ-მინისტრმა მამუკა ბახტაძემ განაცხადა, რომ ჭუბერში ხეების ჭრამ გამოიწვია მეწყერი, რაც…

საბერძნეთში გაჩენილი ხანძრის გამო, საქართველოს ექვს მოქალაქეს სხვადასხვა სახის სამედიცინო დახმარება დასჭირდა

საბერძნეთში მცხოვრებ საქართველოს ექვს მოქალაქეს სტიქიის შედეგად გამოწვეული მძიმე ვითარებისა და სტრესის ფონზე სხვადასხვა სახის სამედიცინო ჩარევა დასჭირდა, – ამის შესახებ „ინტერპრესნიუსს“ საქართველოს საგანგებო ელჩმა საბერძნეთის რესპუბლიკაში იოსებ ნანობაშვილმა განუცხადა. ელჩის განმარტებით, საქართველოს აღნიშნული მოქალაქეების სიცოცხლეს საფრთხე არ ემუქრება. „ჩვენს ხელთ არსებული ინფორმაციით, ექვს ქართველს დასჭირდა სხვადასხვა სახის სამედიცინო ჩარევა. ზოგი შოკშია, ზოგი განერვიულებულია, ზოგს ხელი აქვს დამწვარი და ა.შ. არც ერთი მათგანის სიცოცხლეს სერიოზული საფრთხე არ შექმნია. არც ერთს არ მოუმართავს საელჩოსთვის იმის თაობაზე, რომ მათ ჯანმრთელობის პრობლემა აქვთ. ასევე, საბერძნეთის შინაგან საქმეთა სამინისტროს ბაზას ვამოწმებთ დღეში ორჯერ, დღის…

რეგიონებში სასწრაფო-სამედიცინო დახმარების თანამშრომლებს ხელფასი 20-30%-ით გაეზრდებათ

რაიონის სასწრაფო-სამედიცინო დახმარების ბრიგადებს ხელფასები გაეზრდებათ, – ამის შესახებ პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა. როგორც მან აღნიშნა, ხელფასების 20-30% ზრდის ინიციატივა მთავრობის დღევანდელ სხდომაზე იქნება განხილული. „დღეს მთავრობაზე კიდევ ერთი მნიშვნელოვანი ინიციატივა გამოდის, რომლის შედეგადაც ჩვენ 20-30%-ით გავუზრდით ხელფასებს რაიონის სასწრაფო-სამედიცინო ბრიგადებს. ამ ადამიანებს აქვთ უზარმაზარი პასუხისმგებლობა, მართლაც რომ 24 საათიან რეჟიმში მუშაობენ და ვფიქრობთ, ეს ნაბიჯი ძალიან მნიშვნელოვანია იმისთვის, რომ ზოგადად სერვისი და ჯანდაცვის სერვისი ჩვენს რაიონებში, მოსახლეობას უფრო მაღალი ხარისხით და ოპერატიულად მივაწოდოთ“, – განაცხადა მამუკა ბახტაძემ.     წყარო: interpressnews.ge