მიზანმიმართულად კლავენ კრიტიკულ, ობიექტურ მედიას

1 საათის წინ

რუსთაველის გამზირის ხელმეორედ გადაკეტვისთვის დაკავებული ზურაბ მენთეშაშვილი სასამართლომ დამნაშავედ ცნო და 9 თვით თავისუფლების აღკვეთა მიუსაჯა. გადაწყვეტილება თბილისის საქალაქო სასამართლოს მოსამართლემ, ნინო გალუსტაშვილმა მიიღო.

1 საათის წინ

„ხვალ უარესს გაგვიკეთებენ. ეს კარგა ხანია დაწყებულა, მაგრამ ეს ბევრს არ უგვრძნია. ჩვენ, სინდისის პატიმრის ოჯახის წევრებმა, კი ვიგრძენით ეს“.- ნანი წულაია.

1 საათის წინ

ნამუსიანი და პასუხისმგებლიანი ადამიანი გადადგებოდა - პოლიციის ხელმძღვანელიც, გუბერნიის ხელმძღვანელიც და, რა თქმა უნდა, შსს მინისტრის მოადგილეები მაინც“.- ვატო სურგულაძე („ლელო“).

1 საათის წინ

„არ შეიძლება წამება საქართველოში ვინმეს შერჩეს… ცინიკურიც არის და ბოროტებაც, რომ ადამიანი, რომელიც წამების მსხვერპლია, თავად არის ბრალდებული“- ირაკლი ფავლენიშვილი.

2 საათის წინ

პოლიციელების მხრიდან მოქალაქეზე ძალადობის ფაქტმა დააზიანა თუ არა სამართალდამცველების მიმართ ნდობა?

2 საათის წინ

პაპუნა ლოცულაშვილისა და ლაშა აბისონაშვილის მიმართ განხორციელებულ ძალადობაში ბრალდებული პოლიციელის, ალექსი ბადალოვის ადვოკატის ნოდარ ცინცაძის განცხადებით, მოსამართლის მიერ მიღებული გადაწყვეტილების გასაჩივრებასთან დაკავშირებით გადაწყვეტილებას მას შემდეგ მიიღებენ, რაც დაცვის მხარე დასაბუთებას გაეცნობა. ადვოკატის განმარტებით, სასამართლოს მიერ მიღებულ გადაწყვეტილებას ვერ შეცვლიან და მათ მხოლოდ გასაჩივრება შეუძლიათ.

3 საათის წინ

შელაპარაკების გამო, ექვსმა პოლიციელმა ფიზიკურად იძალადა ორ მოქალაქეზე, ერთზე განსაკუთრებით, ერთ-ერთმა ფეხით გამოათრია დაზარალებული… რომელი საფრთხე არ არსებობს ბატონო კოლეგებო მომეტებულად, რაც კანონში წერია მათი სამსახურიდან გამომდინარე? - ამის შესახებ გორის რაიონული სასამართლოს მოსამართლემ გერმანე დადეშქელიანმა პროცესზე განაცხადა. აღნიშნული განმარტება მან მას შემდეგ გააკეთა, რაც ექვსივე ბრალდებულ პოლიციელს აღკვეთის ღონისძიების სახით პატიმრობა შეეფარდა.

3 საათის წინ

გორის რაიონული სასამართლოს მოსამართლე, ლევან დარბაიძე განმარტავს, რატომ აიცილა პაპუნა ლოცულაშვილის მიმართ განხორციელებულ ძალადობაში ბრალდებული 6 პოლიციელის საქმის განხილვა. „საქმე ავიცილე იმიტომ, რომ ერთ -ერთ ბრალდებულთან ჩემი ოჯახის წევრს ჰქონდა ნათესავური კავშირი. ჩემი მეუღლის ნათესავია ერთ-ერთი ბრალდებული. საქმეს ერთვის ჩემ მიერ მიღებული გადაწყვეტილება. მეტ დეტალზე არ მაქვს უფლება, რომ ვისაუბრო და ჰკითხეთ მხარეებს“, - განაცხადა ლევან დარბაიძემ.

4 საათის წინ

გორის რაიონული სასამართლოს მოსამართლე გერმანე დადეშქელიანმა პროკურატურის შუამდგომლობა ექვსივე პოლიციელის - ალექსი ბადალოვის, ბესო მალაციძის, გიორგი წკრიალაშვილის, საბა წაველიძის, ივანე მისირელის, ვლადიმერ გოდერძიშვილისა და ბესო მალაციძის თანამდებობიდან გადაყენების შუამდგომლობა დააკმაყოფილა. შესაბამისი შუამდგომლობა პროკურატურამ მას შემდეგ დააყენა სხდომაზე, რაც სამართალდამცავებს აღკვეთის ღონისძიების სახით პატიმრობა შეეფარდათ. აღნიშნულ შუამდგომლობას დაცვის მხარე დაეთანხმა.

4 საათის წინ

პაპუნა ლოცულაშვილისა და ლაშა აბისონაშვილის მიმართ განხორციელებულ ძალადობაში ბრალდებულ 6 პოლიციელს - ალექსი ბადალოვს, ბესო მალაციძეს, გიორგი წკრიალაშვილს, საბა წაველიძეს, ივანე მისირელს, ვლადიმერ გოდერძიშვილსა და ბესო მალაციძეს აღკვეთის ღონისძიების სახით პატიმრობა შეეფარდა. აღნიშნული გადაწყვეტილება გორის რაიონული სასამართლოს მოსამართლემ გერმანე დადეშქელიანმა მიიღო. სხდომას დაკავებული არც ერთი პოლიციელი არ ესწრებოდა.

4 საათის წინ

გორის რაიონულ სასამართლოში პაპუნა ლოცულაშვილის მიმართ განხორციელებულ ძალადობაში ბრალდებული 6 პოლიციელის - ალექსი ბადალოვის, ბესო მალაციძის, გიორგი წკრიალაშვილის, საბა წაველიძის, ივანე მისირელის, ვლადიმერი გოდერძიშვილისა და ბესო მალაციძის სასამართლო პროცესი მიმდინარეობს. დღევანდელ სხდომაზე დაკავებულების მიმართ აღკვეთის ღონისძიების შეფარდებაზე იმსჯელებენ. სხდომას მას შემდეგ, რაც საქმე მოსამართლე ლევან დარბაიძემ აიცილა, მოსამართლე გერმანე დადეშქელიანი უძღვება.

4 საათის წინ

პაპუნა ლოცულაშვილს დღემდე ბრალდებულის სტატუსი აქვს, რაც წარმოუდგენელი უსამართლობა და გამოძიებისთვის გამოწვევაა. ამ გამოწვევას სახელმწიფომ და გამოძიებამ ადეკვატურად უნდა უპასუხოს, - ამის შესახებ პაპუნა ლოცულაშვილისა და ლაშა აბისონაშვილის ადვოკატმა, რევაზ რევაზიშვილმა განაცხადა. როგორც ის განმარტავს, თუკი, ლოცულაშვილის წინააღმდეგ სისხლისსამართლებრივი დევნა არ შეწყდება, დაცვის მხარე აღნიშნული მოთხოვნით პროკურატურას მიმართავს.

5 საათის წინ

დღეს მთავარი კითხვა არის, ვინ მფარველობს დამნაშავეებს? რატომ ცდილობს ხელისუფლება პასუხისმგებლობის გადატანას რამდენიმე ძალოვანზე მაშინ, როცა ათზე მეტი პოლიციელი ძალადობდა ორ მოქალაქეზე? რატომ არ ისმის კითხვა მათი ინდივიდუალური პასუხისმგებლობის შესახებ, ვინც უყურებდა დანაშაულს და არაფერი მოიმოქმედა იმისათვის, რომ ეს დანაშაული აღეკვეთა? რატომ არ განიხილება საქმის კვალიფიკაციის შეცვლა უფრო მძიმე მუხლებით, მათ შორის, ჯგუფური ძალადობისა და წამების მუხლებით? - ამის შესახებ „ძლიერი საქართველო - ლელოს“ გენერალურმა მდივანმა, ირაკლი კუპრაძემ განაცხადა.

5 საათის წინ

პაციენტთან ამ ეტაპზე მწვავე ნევროლოგიური დარღვევა, რაც განაპირობებს სიცოცხლესთან შეუთავსებელ მდგომარეობას, არ ვლინდება. დაყოვნების მიზეზი პაციენტთან მხოლოდ და მხოლოდ შემდგომი მონიტორინგია, - ამის შესახებ პირველი საუნივერსიტეტო კლინიკის დირექტორმა, ლევან რატიანმა ჟურნალისტებს, გორში ნაცემი, პაპუნა ლოცულაშვილის ჯანმრთელობის მდგომარეობის შესახებ საუბრისას განუცხადა. როგორც მან აღნიშნა, თუ კლინიკური მდგომარეობა როგორც არის ისე გაგრძელდა და ჩივილი არ დაფიქსირდა, პაციენტი 72 საათში გაეწერება ბინაზე.

5 საათის წინ

"დღეს ისევ ჟურნალისტებსა და დამოუკიდებელ მედიაზე დგას, საერთოდ თუ რამე გაგვაჩნია"- ბაია პატარაია

6 საათის წინ

პაპუნა ლოცულაშვილი, რომელზეც გორში პოლიციელებმა ფიზიკურად იძალადეს, ჯანმრთელობის მდგომარეობის დამძიმების გამო, სასწრაფო დახმარების ეკიპაჟმა კლინიკაში გადაიყვანა ამის შესახებ მისმა ადვოკატმა ლაშა ტყეშელაძემ განaცხადა. მანამდე, ადვოკატმა გააცრცელა სოციალურ ქსელში ვიდეო, სადაც ჩანს სასწრაფო დახმარების მანქანა, რომელშიც საკაცეზე მოთავსებულია პაპუნა ლოცულაშვილი. ადვოკატის ინფორმაციით, რამდენადაც მისთვის ცნობილია, ლოცულაშვილი გადაყავთ სამედიცინო უნივერსიტეტის (თსსუ) პირველ საუნივერსიტეტო კლინიკაში.

19 საათის წინ

თეა წულუკიანი - ყველა პოლიციელს მოვუწოდებ სიფრთხილისკენ, თქვენ გყავთ მტრები, ჩასაფრებულები, რაც მოხდა, გაუხარდათ, საზარელი სანახავი იყო - იმ ექვს პოლიციელს მინდა, ვუსაყვედურო: თქვენ ამათ მიეცით სალაპარაკო - ნუ მივცემთ მტრებს სალაპარაკოს!

28-05-2026 17:54

შინაგან საქმეთა მინისტრის მოადგილე ალექსანდრე დარახველიძე - "სამინისტრო გმობს ნებისმიერი სახის ძალადობას და აცხადებს სრულ მზაობას ითანამშრომლოს საგამოძიებო უწყებასთან, რათა სრულყოფილად და ობიექტურად დადგინდეს აღნიშნულ საქმეზე გარემოებები და დანაშაულის ჩამდენმა პირებმა პასუხი აგონ კანონის წინაშე". ალექსანდრე დარახველიძის თქმით, ინციდენტს წინ უძღოდა საპოლიციო საპრევენციო ღონისძიება, რომლის დროსაც შეჩერებული იქნა მოქალაქე, რომელიც არ დაემორჩილა პოლიციის მოთხოვნას და სამინისტროს თანამშრომელს „ქვით დაუზიანა ჯანმრთელობა“.

28-05-2026 17:49

აშშ დოლარის ოფიციალური ღირებულება 2.6708 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6708 ლარი გახდა. კურსი, რომელიც დღეს მოქმედებდა, 2.6716 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0008 ლარი შეადგინა. რაც შეეხება ევროს, მისი კურსი 3.1003 ლარია. მაშინ, როცა დღეს მოქმედი კურსი 3.1095 ლარს შეადგენდა. შესაბამისად, ევროს ცვლილებამ 0.0092 ლარი შეადგინა.

28-05-2026 17:08