მისივე თქმით, სასამართლომ დასაბუთების და არგუმენტების გარეშე გაუგრძელა ლევან ხაბეიშვილს პატიმრობა.

„პროკურატურამ დამატებითი დრო მოითხოვა, ვინაიდან მათი განმარტებით არ აქვთ შეგროვებული საკმარისი მტკიცებულებები, იმისთვის რომ არსებითი განხილვა დაიწყოს.

ისინი ატარებენ ლევანის მიერ გაკეთებული ინტერვიუების ექსპერტიზას, რომ ლევანი არის ნამდვილად, ლევანის ხმა არის. ღიმილის მომგვრელია... ასევე საუბარია, რომ ტელეფონიდან უნდა ამოვიღოთ ინფორმაციაო.

ალბათ, პოლიტიკური მიზანშეწონილობიდან გამომდინარე, არ მიაჩნიათ საჭიროდ რომ არსებითი განხილვა დაიწყოს.

დღეს, მოსამართლემ უალტერნატივოდ ჩათვალა, რომ ლევან ხაბეიშვილი უნდა დარჩეს ციხეში, წინააღმდეგ შემთხვევაში იგი მიიმალება, ან ჩაიდენს ახალ დანაშაულს, მაშინ როდესაც რამდენიმე დღის წინ, განსაკუთრებით მძიმე კატეგორიის დანაშაულზე, ფულის გათეთრებაზე, ყოფილ მაღალ თანამდებობის პირზე, რომელსაც გავლენები გააჩნია და მძიმე ბრალდება გააჩნია, პროკურატურა საუბრობდა რომ გირაო საკმარისია. ცალსახაა, რომ პოლიტიკური კონტექსტია საქმეში, უკანონოდ იყო პატიმრობა გამოყენებული. როგორიც არის პოლიტიკური დაკვეთა, ისეთ გადაწყვეტილებას იღებს სასამართლო და პროკურატურა. აქ აუცილებელია პატიმრობა, მეორე შემთხვევაში, უფრო მძიმე პირობებში კი გირაო“,- აღნიშნა კონდახიშვილმა.