📍 ჩინეთი აცხადებს, რომ ირანის ახალ უზენაეს ლიდერზე, მოჯტაბა ხამენეიზე ნებისმიერ თავდასხმას ეწინააღმდეგება.

26 წუთის წინ

გორში 16 წლის მოზარდის მიმართ ჩადენილი გარყვნილი ქმედების ფაქტზე კაცი დააკავეს. გავრცელებული ინფორმაციით, ბრალდებული ოჯახის ახლობელია.

37 წუთის წინ

გიორგი შარაშიძე - ყველანაირი საფუძველი გვაქვს ვივარაუდოთ, რომ ეუთო, ვიზიტის შემდეგ, კრიტიკულ დასკვნას წარადგენს

38 წუთის წინ

რუსთავში ახალგზარდა დააკავეს. "ინფო რუსთავის" ინფორმაციით მშვიდოის ქუჩაზე, სამართალდამცავებმა 30 წლამდე მამაკაცი გადამოწმების მიზნით შეაჩერეს. პირადი ჩხრეკისას, ახალგაზრდას სავარაუდოდ დიდი ოდენობით ნარკოტიკული საშუალება აღმოაჩნდა. პოლიციამ კაცი ბრალდებული სახით დააკავა. მომხადრზე დაწყებულია გამოძიება.

20 საათის წინ

რუსთავის ქალთა ციხესთან ქალთა საერთაშორისო დღესთან დაკავშირებით საპროტესტო აქცია მომდინარეობს. აქციის მონაწილეები მხარდაჭერას და სოლიდარობას უცხადებენ იმ ქალ პოლიტიკოსებს, ჟურნალისტებს ადა აქტივისტებს, რომლებიც ამ დრომდე საპატიმროში იხდიან სასჯელს. მათ თან აქვთ საქართველოს დროშები, ყვავილები და პლაკატები. ადგილზე მობილიზებულია პოლიცია. აქციის მონაწილეები სკანდირებენ: „თავისუფლება რეჟიმის ტყვეებს“, „თავისუფლება მზია ამაღლობელს“ „თავისუფლება ელენე ხოშტარიას“

20 საათის წინ

ლიბანში ისრაელთან შეტაკებების შედეგად დაღუპულთა რიცხვი 394-მდე გაიზარდა, - BBC-ის ცნობით, ამის შესახებ ქვეყნის ჯანდაცვის მინისტრმა რაკან ნასერედინმა განაცხადა. მისი ინფორმაციით, დაღუპულთა შორის 83 ბავშვი და 42 ქალია. ლიბანის ჯანდაცვის მინისტრმა გუშინ განაცხადა, რომ ისრაელის მხრიდან საჰაერო დარტყმებს 294 ადამიანი ემსხვერპლა

20 საათის წინ

ისრაელმა დასავლეთ და ცენტრალურ ირანში ბოლო დროს განხორციელებული საჰაერო დარტყმების შედეგად 400-ზე მეტი სამიზნე დაბომბა, - ინფორმაციას ისრაელის თავდაცვის ძალები ავრცელებს. მათივე ინფორმაციით, სამიზნეებს შორის ბალისტიკური რაკეტების გამშვები პუნქტები და იარაღის წარმოების ობიექტები იყო. ისრაელის თავდაცვის ძალები დარტყმების ამსახველ ვიდეომასალასაც ავრცელებს.

20 საათის წინ

ირანში სასულიერო პირებისგან შემდგარმა ორგანომ, რომელიც ქვეყნის უზენაეს ლიდერს ირჩევს, გადაწყვეტილება მიიღო, - ინფორმაციას The Times of Israel-ი ირანულ მედიაზე დაყრდნობით ავრცელებს. გამოცემის ცნობით, ახალი უზენაესი ლიდერის სახელი ჯერ არ გამოცხადებულა. „ლიდერის დანიშვნის შესახებ კენჭისყრა ჩატარდა და ლიდერი არჩეულია“, - განაცხადა ექსპერტთა ასამბლეის წევრმა აჰმად ალამოლჰოდამ. მისი თქმით, სახელი მოგვიანებით გამოცხადდება.

20 საათის წინ

აშკარაა, რომ ირანის ისლამური რესპუბლიკის გავლენა საქართველოში, სამწუხაროდ, ძალიან შორს წავიდა. ეს არის პრობლემა საქართველოსთვის. რეაგირებას ეგ საჭიროებს და არა ის საჯაროდ ცნობილი ფაქტები, რომელიც სხვა კვლევაშია მიმოხილული, თუ კიდევ რომელ კვლევაში და სტატიაში, - ამის შესახებ „საბჭოთა წარსულის კვლევის ლაბორატორიის“ წევრმა, გიორგი კანდელაკმა საქალაქო სასამართლოსთან ჟურნალისტებს განუცხადა.

21 საათის წინ

დღეს, მასკატიდან თბილისის მიმართულებით დამატებითი სპეციალური რეისი შესრულდა, რომლითაც დასრულდა საქართველოს იმ მოქალაქეთა სამშობლოში დაბრუნება, რომელთა გამგზავრებას შესაბამისი ავიაკომპანიები დროულად ვერ უზრუნველყოფდნენ, - ამის შესახებ საქართველოს საგარეო საქმეთა სამინისტროს მიერ გავრცელებულ ინფორმაციაშია ნათქვამი.

21 საათის წინ

თინა ხიდაშელი დაკითხვის შემდეგ - როგორც ჩანს, ჩემი ამოცანა შესრულებულია, ისინი დაინტერესდნენ და თუ რაიმე საფრთხე ემუქრება ქვეყანას, იმედი დავიტოვოთ, რომ გაარკვევენ - არსად მითქვამს, რომ საქართველოში ტერორისტებს ამზადებენ

08-03-2026 14:00

ქუვეითის ხელისუფლებაში აცხადებენ, რომ ქვეყნის საერთაშორისო აეროპორტში გაჩენილი ხანძარი კონტროლს ექვემდებარება. მანამდე ქუვეითის არმიამ გაავრცელა ინფორმაცია, რომ ჩამოგდებულმა დრონების ნამსხვრევებმა სამოქალაქო ობიექტები დააზიანა. „ზოგიერთ სამოქალაქო ობიექტს მატერიალური ზიანი მიადგა ჩაჭრის ოპერაციების დროს ჩამოვარდნილი ნამსხვრევების შედეგად“, - ნათქვამია თავდაცვის სამინისტროს პრესსპიკერის განცხადებაში.

08-03-2026 13:33

სუს-ში დაწყებული გამოძიების ფარგლებში, თბილისის საქალაქო სასამართლოში თავდაცვის ყოფილი მინისტრის, თინა ხიდაშელის გამოკითხვა მიმდინარეობს. საქალაქო სასამართლოში, ამ წუთებში, ჩვენებას მაგისტრატი მოსამართლის წინაშე აძლევს „საბჭოთა წარსულის კვლევის ლაბორატორიის“ წევრი გიორგი კანდელაკიც. სუს-ში დაწყებული გამოძიების ფარგლებში, თბილისის საქალაქო სასამართლოში მაგისტრატი მოსამართლის წინაშე გუშინ გამოიკითხა ოპოზიციონერი პოლიტიკოსი, გუბაზ სანიკიძე.

08-03-2026 13:32

ბაჰრეინის შინაგან საქმეთა სამინისტროს ინფორმაციით, ირანის მიერ განხორციელებული სარაკეტო თავდასხმის შედეგად სულ მცირე სამი ადამიანი დაშავდა და ქალაქ მუჰარაქის უნივერსიტეტის შენობა დაზიანდა. უწყების ცნობით, მოქალაქეები მოგერიებული რაკეტის ნამსხვრევების ჩამოვარდნის შედეგად დაშავდნენ. ამასთან, სამინისტროს ინფორმაციით, ირანული დრონის დარტყმის შედეგად ქვეყანაში მდებარე წყლის გამტკნარების ქარხანას მატერიალური ზარალი მიადგა.

08-03-2026 13:28

გამოკითხვაზე დაბარებების გამო გაკვირვებული ვარ, რადგან კვლევა, რომლის თანაავტორიც ვარ, არის „ჰადსონის ინსტიტუტის“ ინტელექტუალური საკუთრება - სუს-ი უნდა ინტერესდებოდეს იმით, გუშინ რომ ყვიროდნენ ირანის საელჩოსთან „ხამენეი შენი ბრძანებების შესასრულებლად მზად ვართო“, - ამის შესახებ „საბჭოთა წარსულის კვლევის ლაბორატორიის“ წევრმა, გიორგი კანდელაკმა საქალაქო სასამართლოსთან ჟურნალისტებს განუცხადა.

08-03-2026 13:26

აშშ-ის პრეზიდენტის დონალდ ტრამპის განცხადებით, არ სურს, რომ ქურთები ომში ჩაერთონ. „არ ველოდებით ქურთების შესვლას. არ გვინდა ომი იმაზე უფრო რთული გახდეს, ვიდრე ის უკვე არის. არ მინდა, რომ ქურთები დაშავდნენ და დაიღუპონ. ჩვენ კარგი ურთიერთობა გვაქვს. ისინი მზად არიან შევიდნენ. მაგრამ სინამდვილეში, მე ვუთხარი მათ, რომ არ მინდა, რომ შევიდნენ“, - განუცხადა ტრამპმა ჟურნალისტებს.

08-03-2026 13:23

პოლიციამ სხვადასხვა დროს მოსამართლის განჩინების საფუძველზე, ჯგუფურად ჩადენილი ძარცვისა და ქურდობის ბრალდებით ოთხი არასრულწლოვანი დააკავა. დაკავებულთაგან სამი, წარსულში ნასამართლევია და ამჟამად პირობით მსჯავრის ქვეშ იმყოფება. არასრულწლოვნების მიერ ჩადენილი დანაშაულებრივი ქმედებების შედეგად, სხვადასხვა დანიშნულების სავაჭრო ობიექტებს 30 000 ლარამდე ფინანსური ზარალი მიადგათ.

08-03-2026 13:20

ირანიდან ბალისტიკური რაკეტებით განხორციელებული თავდასხმების შედეგად არავინ დაშავებულა, - ინფორმაციას The Times of Israel-ი ავრცელებს. გამოცემის ცნობით, ირანმა ისრაელის მიმართულებით შუაღამის შემდეგ ოთხი სარაკეტო შეტევა განახორციელა. დაშავებულების ან ზარალის შესახებ ინფორმაცია არ გავრცელებულა. რაკეტების მოგერიების შედეგად მიღებული ფრაგმენტების ნაწილი დაუსახლებელ ადგილებში დაეცა.

08-03-2026 13:17

ლოზუნგით „ძალა ერთობაშია“ პარლამენტის მიმართულებით საპროტესტო მარში მიმდინარეობს. მოქალაქეები თავდაპირველად ფილარმონიასთან შეიკრიბნენ, საიდანაც საკანონმდებლო ორგანოსკენ მსვლელობით დაიძრნენ. მათ ადგილზე მიტანილი აქვთ საქართველოსა და ამერიკის შეერთებული შტატების დროშები. ასევე, ბანერები სხვადასხვა წარწერით, რითაც აქციების დროს დაკავებული მოქალაქეების გათავისუფლებას ითხოვენ. მარშის მონაწილეები პარლამენტთან შეკრებილ აქციის მონაწილეებს შეუერთდებიან და პროტესტი დღეს სწორედ საკანონმდებლო ორგანოსთან დასრულდება.

07-03-2026 20:50

გუბაზ სანიკიძე გამოკითხვის შემდეგ - შეკითხვები ჰქონდათ ჩემს გამოსვლასთან დაკავშირებით - არ დავმალავ, მეც მქონდა მათთან შეკითხვები, თუმცა პასუხი ვერ გასცეს. სუს-ში დაწყებული გამოძიების ფარგლებში, თბილისის საქალაქო სასამართლოში მაგისტრატი მოსამართლის წინაშე, ოპოზიციონერი პოლიტიკოსის, გუბაზ სანიკიძის გამოკითხვა დასრულდა. სანიკიძე სუს-ის გამომძიებლების შეკითხვებს თითქმის ერთი საათის განმავლობაში პასუხობდა.

07-03-2026 20:22