პარლამენტთან საპროტესტო აქცია მიმდინარეობს. მოქალაქეები უცვლელი მოთხოვნებით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები. დემონსტრანტებს ადგილზე მიტანილი აქვთ სხვადასხვა შინაარსის ბანერები. „თავისუფლება რეჟიმის ტყვეებს", - სკანდირებენ ისინი. პარლამენტის მიმდებარედ საპატრულო პოლიციის ეკიპაჟები არიან მობილიზებულები.

12 წუთის წინ

მარჯანიშვილზე მომხდარი მკვლელობის ფაქტზე დაკავებული ამირან დარჯანიას ადვოკატის, თამარ გაგუას განცხადებით, მისი დაცვის ქვეშ მყოფი სავარაუდო დანაშაულთან დაკავშირებით საუბარს თავს არიდებს.  დარჯანია არ უარყოფს, რომ გარდაცვლილ გოგოს იცნობდა — ისინი მეზობლები იყვნენ, თუმცა უშუალოდ მკვლელობის ფაქტს გამორიცხავს და აცხადებს, რომ „ის არ არის მკვდარი“.

1 საათის წინ

პაატა ბურჭულაძის შვილი 4 ოქტომბრის აქციაზე - "ირაკლი კობახიძე ნებისმიერ ცივილიზებულ ქვეყანაში გამოიკითხებოდა, რადგან გვახსოვს, მისი ნათქვამი, რომ მათ „დიდ სიურპრიზს“ დაახვედრებდა".  მისი თქმით, 4 ოქტომბრის  მოვლენებზე მხოლოდ ხელისუფლება, საკუთარი ნარატივით საუბრობს და არ აწყობს, რომ ორგანიზატორებმა ისაუბრონ, „ამიტომ არ აქვთ კომუნიკაციის შესაძლებლობა“.

1 საათის წინ

დღეს ირანზე გაჩუმება იგივეა, რაც ჰიტლერზე გაჩუმებულიყავი ან მხარი დაგეჭირა მისთვის, - ამის შესახებ „კოალიცია ცვლილებისთვის“ ერთ-ერთი ლიდერი, პატიმრობაში მყოფი ელენე ხოშტარია სოციალურ ქსელში წერს. ელენე ხოშტარიას განცხადებით, „ოცნებას“ უბრალოდ საგარეო პოლიტიკა კი არ აქვს არასწორი, არამედ კაცობრიობას სიცოცხლეს, ადამიანს უპირისპირდება.

1 საათის წინ

როგორ აფასებენ რიგითი მოქალაქეები საქსტატის მონაცემებს, რომლის მიხედვითაც საქართველოში საარსებო მინიმუმი 250.9 ლარამდე შემცირდა.

2 საათის წინ

რას ფიქრობთ, უნდა შეუწყდეთ თუ არა სოც დახმარება, აღრიცხვაზე მყოფი ადამიანების ნაწილს? - ხალხის აზრი

14-01-2026 18:16

დღეს, 14 იანვარს საქართველოს სახელმწიფო დროშის დღე აღინიშნება. შსს-ს ინფორმაციით, ტრადიციულად, შინაგან საქმეთა სამინისტროს სხვადასხვა დანაყოფში დროშის აღმართვის ცერემონია გაიმართა. ქვეყნის ეროვნული სიმბოლოს პატივისცემის ნიშნად, თავდაცვის ძალების სამხედრო მოსამსახურეებმა სახელმწიფო ჰიმნის ფონზე საქართველოს დროშები საზეიმოდ აღმართეს.

14-01-2026 14:17

შინაგან საქმეთა სამინისტროს თბილისის პოლიციის დეპარტამენტის დიდუბე-ჩუღურეთის მთავარი სამმართველოს თანამშრომლებმა, პოლიციის სატრანსპორტო საშუალებაზე თავდასხმის ბრალდებით, 2000 წელს დაბადებული, ამჟამად პირობითი მსჯავრის ქვეშ მყოფი ი.ი. დააკავეს.

14-01-2026 14:15

გაეროში ირანის ელჩი - დონალდ ტრამპმა საერთაშორისო სამართალი დაარღვია, როდესაც ირანელებს პროტესტის გაგრძელებისკენ მოუწოდა. „ეს უგუნური განცხადება აშკარად ხელს უწყობს პოლიტიკურ დესტაბილიზაციას, აქეზებს და იწვევს ძალადობას და საფრთხეს უქმნის ირანის ისლამური რესპუბლიკის  ეროვნულ უსაფრთხოებას“, - ნათქვამია ირავანის წერილში.

14-01-2026 14:11

რუსულმა ძალებმა უკრაინის ქალაქ კრივი-რიჰში ინფრასტრუქტურის ობიექტებზე დრონებით თავდასხმა განახორციელეს, რის შედეგადაც 45 000-ზე მეტი აბონენტი ელექტროენერგიის გარეშე დარჩა. ინფორმაციას უკრაინული მედია კრივი-რიჰის თავდაცვის საბჭოს ხელმძღვანელზე ოლექსანდრ ვილკულზე დაყრდნობით ავრცელებს.

14-01-2026 14:06

დონალდ ტრამპის განცხადებით, შეერთებული შტატები „მკაცრ ზომებს“ მიიღებს, თუ ირანის რეჟიმი დაკავებულ ირანელებს სიკვდილით დასჯის. „როდესაც ისინი ათასობით ადამიანის მოკვლას იწყებენ - და ახლა თქვენ ჩამოახრჩობაზე მელაპარაკებით. ვნახოთ, როგორ იქნება ეს მათთვის. თუ ისინი ასეთ რამეს გააკეთებენ, ჩვენ ძალიან მკაცრ ზომებს მივიღებთ“, - განუცხადა პრეზიდენტმა CBS News-ს.

14-01-2026 13:56

ნიკა გვარამია - ირანის გათავისუფლების პირობებში, კასპიის გასაღები გადმოდის ჩვენთან - „ქოცები“ უნდა მოვიშოროთ და დავსხდეთ გეოპოლიტიკურ მდინარესთან და ვითევზაოთ უზარმაზარ თევზზე! იბერიის გაბრწყინება მითური შეფერილობის პათეტიკა აღარაა

13-01-2026 23:10

რუსთაველის გამზირზე საპროტესტო აქცია მიმდინარეობს. აქციის მონაწილეები საკანონმდებლო ორგანოს წინ ტროტუარზე არიან შეკრებილი. როგორც შეკრებილები აცხადებენ დღეს არ აქვთ მსვლელობა დაგეგმილი, ამიტომ პროტესტს საკანონმდებლო ორგანოსთან გამოხატავენ. დემონსტრანტების მოთხოვნები უცვლელია - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.

13-01-2026 22:33

CBS News-ის ინფორმაციით, ირანში მყოფმა წყარომ მათთან დარეკვა შეძლო და შეატყობინა, რომ აქტივისტების ჯგუფები პროტესტებიდან დაღუპულთა სრული სიების შედგენას ცდილობენ, ხოლო სამედიცინო წარმომადგენლების ანგარიშებზე დაყრდნობით, დაღუპულთა რიცხვი ამ მომენტისთვის 12-დან 20 ათასამდეა.

13-01-2026 22:29

ადვოკატი, ამირან გიგუაშვილი:  „ირაკლი ღარიბაშვილს შევხვდი და არის მხნედ. რაიმე კონკრეტული მესიჯი საზოგადოების მიმართ არ დაუბარებია. მიმდინარე საკითხებზე ვისაუბრეთ, სტანდარტულ პროცედურებზე, რომელსაც სასჯელაღსრულების დაწესებულებაში შესახლებული პატიმრები გადიან. მის მიმართ მოპყრობა არის ნორმალური. ისეთი, როგორიც სხვა ნებისმიერ მსჯავრდებულთან მიმართებით".

13-01-2026 15:15

ირაკლი ღარიბაშვილმა მიიღო სწორი გადაწყვეტილება ყველასთვის, მათ შორის იმ ინსტიტუციისთვის, რომელსაც ის წარმოადგენდა - რა თქმა უნდა, მან ყველა რისკი გათვალა და უფრო მეტი სიბინძურის ამოყრა ალბათ, არავისთვის იქნებოდა სასურველი - დეტალები თავისთავად მეტ სიბინძურეს ქმნის, - ამის შესახებ პარლამენტის ვიცე-სპიკერმა, ნინო წილოსანმა ჟურნალისტებთან განაცხადა

13-01-2026 15:10

ჩვენი აღზრდა გინდა, თუ რატომ ჩამოუარე ყველას? მეტი საქმე არ გაქვთ? „კევს“ რატომ ღეჭავო, საბავშვო ბაღია? - ამ სიტყვებით მიმართა  ელისაშვილმა მოსამართლე მზია გარშაულიშვილს. მოსამართლემ წესრიგის დაცვისკენ მოუწოდა და გააფრთხილა, რომ სხდომათა დარბაზიდან გააძევებდა. „მართლა? შემაშინეთ! საქმეს მიხედე რა!“ - მიმართა მოსამართლეს ელისაშვილმა.

13-01-2026 14:54

გასულ ღამეს რუსეთმა უკრაინის წინააღმდეგ 300 დრონი და 25 რაკეტა გაუშვა, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს. მისივე ინფორმაციით, დარტყმების სამიზნე კვლავ ენერგეტიკული ინფრასტრუქტურა იყო. მისი თქმით, უკრაინისთვის სამხედრო დახმარება არ უნდა შეჩერდეს და თავდაცვის სისტემებისთვის რაკეტები ყოველდღიურად აუცილებელია.

13-01-2026 14:45

გერმანიის კანცლერი - ეს ირანის რეჟიმისთვის ბოლო დღეები და კვირებია.  „თუ რეჟიმს ძალაუფლების შენარჩუნება მხოლოდ ძალის გამოყენებით შეუძლია, მაშინ ის ფაქტობრივად დასრულებულია. მჯერა, რომ ახლა რეჟიმის ბოლო დღეებსა და კვირებს ვხედავთ“, - განაცხადა მერცმა.

13-01-2026 14:38

4 ოქტომბერს განვითარებულ მოვლენებთან დაკავშირებით დაკავებული ნინა სანდერი - მე ვარ პოლიტპატიმარი, თუ დაუყოვნებლივ არ გამათავისუფლებთ, დღესვე ვიწყებ მშრალ შიმშილობას, მედიკამენტების გარეშე

13-01-2026 14:35