„ვიზალიბერალიზაცია სომეხი ხალხისთვის უაღრესად მნიშვნელოვანია. დღეს დავამტკიცეთ სამუშაო შეთანხმებები FRONTEX-სა და სომხეთს შორის, რაც განამტკიცებს თანამშრომლობას საზღვრისა და მიგრაციის მართვის სფეროში“, - განაცხადა ურსულა ფონ დერ ლაიენმა. „ჩვენ სომხურ ბიზნესს ახალ ბაზრებზე გასვლაში ვეხმარებით, ინვესტიციებს ვახორციელებთ დასაქმების სფეროში, რასაც უსაფრთხოებისთვის დიდი მნიშვნელობა აქვს“, - აღნიშნა ევროკომისიის პრეზიდენტმა.

4 წუთის წინ

სამეგრელო-ზემო სვანეთის პოლიციის დეპარტამენტის თანამშრომლებმა, განზრახ მკვლელობის მცდელობის ბრალდებით, წარსულში ნასამართლევი 1959 წელს დაბადებული გ.შ. დააკავეს. ამის შესახებ ინფორმაციას შინაგან საქმეთა სამინისტრო ავრცელებს. როგორც ინფორმაციაშია აღნიშნული, გამოძიებით დადგინდა, რომ ბრალდებულმა, ურთიერთშელაპარაკების ნიადაგზე, სანადირო თოფიდან გასროლით დაჭრა მეზობელი - 1989 წელს დაბადებული ნ.პ. და შემთხვევის ადგილიდან მიიმალა.

7 წუთის წინ

შინაგან საქმეთა მინისტრის, სულხან თამაზაშვილის მოადგილედ პოლიციის პოლკოვნიკი გაგა კირკიტაძე დაინიშნა. ამის შესახებ ინფორმაციას შინაგან საქმეთა სამინისტრო ავრცელებს. უწყების ინფორმაციით, ახლად დანიშნულ მინისტრის მოადგილეს საჯარო და კერძო სექტორში მუშაობის მრავალწლიანი გამოცდილება აქვს.

9 წუთის წინ

ევროკავშირი ადასტურებს თავის მტკიცე ვალდებულებას, კიდევ უფრო გააძლიეროს ურთიერთობები სომხეთთან და მხარი დაუჭიროს სომხეთის სუვერენიტეტს, მდგრადობას და ყოვლისმომცველ რეფორმების დღის წესრიგს, რომელიც დაფუძნებულია დემოკრატიის, ადამიანის უფლებების, ფუნდამენტური თავისუფლებებისა და კანონის უზენაესობის პატივისცემაზე, - ამის შესახებ ევროკავშირი-სომხეთის სამიტის შემდგომ გამოქვეყნებულ ერთობლივ დეკლარაციაშია აღნიშნული.

11 წუთის წინ

ციხის პერსონალის წარმომადგენელმა ნინო ქუთათელაძემ თვითმკვლელობის მცდელობამდე მიმიყვანა, მაგინებდა და შეურაცხყოფას მაყენებდა - მეუბნებოდა, რომ საქართველო ჩემი ქვეყანა არ არის, რომ აქ არავის არ ვჭირდები,- ამის შესახებ 4 ოქტომბრის საქმეზე ბრალდებულმა ნანა სანდერმა სასამართლო პროცესზე განაცხადა. მისი თქმით, ის ციხეში თავის უფლებებს ვერ იცავს.

13 წუთის წინ

ჯანდაცვის სამინისტროს ინფორმაციით, სოციალურად დაუცველი და მრავალშვილიანი ოჯახებისთვის ელექტროენერგიის სუბსიდირების თანხა იზრდება. უწყების განმარტებით, ცვლილების მიზანია, ახალი ტარიფის განსაზღვრის შემდეგ, ელექტროენერგიის გადასახადი მათთვის უცვლელი დარჩეს.

15 წუთის წინ

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს, - ინფორმაციას ევროკომისიის პრეზიდენტი, ურსულა ფონ დერ ლაიენი ავრცელებს. ურსულა ფონ დერ ლაიენის განცხადებით, შეთანხმება ევროკავშირს, სამხრეთ კავკასიასა და ცენტრალურ აზიას აკავშირებს. შეთანხმებას ხელი ერევანში, ევროკავშირი-სომხეთის სამიტის ფარგლებში მოეწერა.

18 წუთის წინ

საქართველოს ამჟამინდელმა მთავრობამ ყველაფერი გააკეთა იმისათვის, რომ დაერწმუნებინა სრულიად განსხვავებული პოლიტიკური შეხედულების მქონე ადამიანები, პოლიტიკური ჯგუფები, პროევროპული პოლიტიკური ჯგუფები, რომ ქვეყანაში არსებული ვითარება არ აკმაყოფილებს ევროკავშირის კანდიდატობის არცერთ კრიტერიუმს, - ამის შესახებ ევროპარლამენტარმა რასა იუკნევიჩიენემ საგარეო საქმეთა კომიტეტის სხდომაზე განაცხადა, სადაც საქართველოს შესახებ ანგარიში მიიღეს.

20 წუთის წინ

ევროპარლამენტის საგარეო საქმეთა კომიტეტმა საქართველოს შესახებ ანგარიში მიიღო. ევროპარლამენტის საგარეო საქმეთა კომიტეტში საქართველოს შესახებ ყოველწლიურ ანგარიშს მხარი 53-მა ევროპარლამენტარმა დაუჭირა, ხოლო მის წინააღმდეგ ხმა 14-მა მისცა. „ანგარიში ფოკუსირებულია ევროპარლამენტის მთავარ შეშფოთებაზე საქართველოს დემოკრატიის, კანონის უზენაესობისა და ევროპული ინტეგრაციის მდგომარეობასთან დაკავშირებით“, - აღნიშნულია განმარტებით განცხადებაში.

23 წუთის წინ

სრული ცინიზმია, პროპაგანდისტული ზეიმების ჩასატარებლად ცეცხლის შეწყვეტის მოთხოვნა, მაშინ როცა ასეთი სარაკეტო და დრონებით თავდასხმები ყოველდღიურად ხორციელდება, - ასე ეხმაურება უკრაინის პრეზიდენტი ვოლოდიმირ ზელენსკი რუსეთის მიერ უკრაინის წინააღმდეგ განხორციელებულ მორიგ თავდასხმას.

26 წუთის წინ

🔴 გორის და ატენის მიტროპოლიტი ანდრია გვაზავა მის შესახებ გავრცელებულ ცნობებს ქადაგების დროს სპარსული ანდაზით გამოეხმაურა - "თავს ნუ იმართლებ, იმიტომ, რომ მეგობარს შენი ისედაც სჯერა, მტერი კი მაინც არ დაგირეჯერებს"

16 საათის წინ

ვისთვის გაიზარდა ეკონომიკა?!

16 საათის წინ

„ებრძვიან ყველას, ვინც სიმართლეს ამბობს.“- ოთარ ქოსაშვილი

16 საათის წინ

„კობახიძესთან მაქვს შეთავაზება, რომ მობრძანდეს ჩემთან ერთი დღით და ნახოს, როგორია ერთი ფერმერის ცხოვრება“- ოთარ ქოსაშვილი.

16 საათის წინ

“მიეცით წამალი ბავშვებს” - ამ ლოზუნგით აჭარის მთავრობის სახლთან მოქალაქეები საპროტესტო აქციას მართავენ. შეკრებილები დიუშენის სინდრომის მქონე ბავშვთა მშობლებს სოლიდარობას უცხადებენ. მათი თქმით, ხელისუფლების შესაბამისი ორგანოები უმოქმედოდ არიან. “აუცილებლად უნდა შეჩერდეს დაავადების პროგრესი და დახმარება გაეწიოთ ბავშვებს, რათა ცხოვრების შესაძლებლობა მიეცეთ. ხელისუფლების წარმომადგენლებს ამ აქციებით, ვეტყვით, რომ ადამიანის ჯანმრთელობა არის დასაცავი, რაც კონსტიტუციით გარანტირებულია”,- აცხადებენ ისინი.

19 საათის წინ

კოლექტიური ნაცმოძრაობა გაერთიანდა უკვე ე.წ. ალიანსის სახით, ფორმალურად, მაგრამ მათ აქვთ საკუთარი კერძო ინტერესები, შესაბამისად ვერ ერთიანდებიან. ეს ხდება ყოველ ჯერზე და ათი არჩევნები მოვიგეთ ამასობაში, ვიდრე ესენი ერთიანდებოდნენ და მერე იშლებოდნენ, მეთერთმეტე არჩევნებსაც ამ რეჟიმში მოვიგებთ, - ამის შესახებ საქართველოს პრემიერ-მინისტრმა, ირაკლი კობახიძემ “ოპოზიციის ალიანსში” არსებულ მდგომარეობასთან დასმული კითხვის საპასუხოდ განაცხადა. კობახიძის თქმით, ოპოზიცია ყოველ ჯერზე გარედან მიღებული მითითების საფუძველზე ერთიანდება ხოლმე.

19 საათის წინ

საქართველოს პრემიერ-მინისტრს, ირაკლი კობახიძეს შევხვდი - ჩვენს ქვეყნებს შორის გადაუჭრელი საკითხები მართლაც არსებობს - მნიშვნელოვანია, რომ დიალოგი ყველა დონეზე იყოს, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს. მისი თქმით, უკრაინა საქართველოს ყოველთვის პატივს სცემდა და საქართველოს, მისი სუვერენიტეტისა და ხალხის პატივისცემას ახლაც განაგრძობს. „ჩვენ თანამშრომლობას მომავალშიც გავაგრძელებთ“, - აცხადებს ზელენსკი.

19 საათის წინ

იტალიაში საქართველოს და უკრაინის მოქალაქეები ქურდობის ბრალდებით დააკავეს დანაშაულის ჩადენის დროს. მომხდარის შესახებ ინფორმაციას ადგილობრივი მედია ავრცელებს. გავრცელებული ინფორმაციით, მათ 74 წლის რომაელს საფულე მოპარეს. ნივთები, რომელიც შეიცავდა ნაღდ ფულსა და საბანკო ბარათებს, ამოღებულია და მფლობელს დაუბრუნდა.

20 საათის წინ

ადგილზე დაიღუპა კაცი, რომელიც 43 სართულიდან ჩამოვარდა. შემთხვევა ბათუმში, ხიმშიაშვილის ქუჩაზე დღეს, დილით მოხდა. ადგილზე ექსპერტ-კრიმინალისტები იმყოფებიან. მომხდარის სხვა დეტალები ჩვენთვის უცნობია. საგულისხმოა ის გარემოება, რომ ხიმშიაშვილის ქუჩაზე, კერძო კომპანიის კუთვნილი აპარტამენტებიდან ადამიანის ჩამოვარდნის ეს პირველი შემთხვევა არაა.

20 საათის წინ

ევროპული დაზვერვის ინფორმაციით, ბოლო კვირების განმავლობაში კრემლში უპრეცედენტო სიმკაცრის უსაფრთხოების ზომები იქნა მიღებული, რადგან რუსეთის პრეზიდენტი ვლადიმერ პუტინი შესაძლო გადატრიალებას ან მკვლელობის მცდელობას ელოდება. ეს და სხვა სენსიტიური დეტალები აღწერილია მოხსენებაში, რომელიც ევროკავშირის ერთ-ერთი ქვეყნის სადაზვერვო სააგენტომ მოამზადა. გამოცემა „Важные истории“-ს (Important Stories) ჟურნალისტებმა, რომლებიც OCCRP-ის დიდი ხნის პარტნიორები არიან, დოკუმენტი სააგენტოსთან დაახლოებული სამთავრობო წყაროსგან მიიღეს და მასში მოყვანილი რამდენიმე მტკიცებულება დამოუკიდებლად გადაამოწმეს.

20 საათის წინ