მიხეილ სააკაშვილი გორის სამხედრო ჰოსპიტალში მოათავსეს

საქართველოს ყოფილი პრეზიდენტი მიხეილ სააკაშვილი გლდანის მე-18 პენიტენციური დაწესებულებიდან, გორის სამხედრო ჰოსპიტალში უკვე გადაიყვანეს.გორის სამხედრო ჰოსპიტალში მიხეილ სააკაშვილის მისაღებად სპეციალური პალატა მზადაა.ადგილზე იმყოფებიან მიხეილ სააკაშვილის დედა, გიული ალასანია, ადვოკატები და პირადი ექიმი, ნიკოლოზ ყიფშიძე.როგორც ცნობილია, მიხეილ სააკაშვილმა გორის სამხედრო ჰოსპიტალში გადასვლაზე თანხმობა განაცხადა.

იხილე

ატენის დედათა მონასტრის მორჩილი დომნა მაისურაძე გარდაიცვალა

გორისა და ატენის ეპარქიის ატენის დედათა მონასტრის მორჩილი დომნა მაისურაძე გარდაიცვალა. ინფორმაციას „საპატრიარქოს უწყებანი“ ავრცელებს, სადაც აღნიშნულია, რომ დომნა მაისურაძეს შაბათს, სოფელ არბოს წმინდა გიორგის სახელობის ტაძრის ეზოში დაკრძალავენ.„მწუხარებას გამოვთქვამთ მორჩილ დომნას გარდაცვალების გამო და თანავუგრძნობთ განსვენებულის ოჯახს, ახლობლებსა და მონასტრის წევრებს“, – წერია გავრცელებულ ინფორმაციაში.

იხილე

მიხეილ სააკაშვილი გორის სამხედრო ჰოსპიტალში გადაყვანაზე თანახმაა

ყოფილი პრეზიდენტი მიხეილ სააკაშვილი გორის სამხედრო ჰოსპიტალში გადაყვანაზე თანახმაა. ამის შესახებ გლდანის მე-18 პენიტენციური დაწესებულებიდან გამოსვლის შემდეგ სააკაშვილის ადვოკატმა, ნიკა გვარამიამ განაცხადა. „იგი თანახმაა გორის ჰოსპიტალში გადაყვანაზე და შეწყვეტს შიმშილობას გორის ჰოსპიტალში განთავსებისთანავე. ჩვენთვის მნიშვნელოვანია ვიცოდეთ დაზუსტებით, რომ იქ ყველაფერი ნორმალურად მიმდინარეობს და შიმშილობის შემდგომი პროტოკოლი გაიწეროს სპეციალისტების მიერ და იყოს ყოველდღიური ანგარიში“, – განაცხადა ნიკა გვარამიამ. მისივე თქმით, მიხეილ სააკაშვილს გორის ჰოსპიტალში დღესვე გადაიყვანენ. როგორც გვარამიამ განმარტა, სააკაშვილის ტრანსპორტირება “მოგვიანებით” განხორციელდება, თუმცა კონკრეტულ დროს უსაფრთხოებიდან გამომდინარე ვერ დაასახელებს.

იხილე

მივესალმები ყოფილი პრეზიდენტის გადაყვანის გეგმას გორის ჰოსპიტალში – სალომე ზურაბიშვილი

მივესალმები ყოფილი პრეზიდენტის გადაყვანის გეგმას გორის სამხედრო ჰოსპიტალში, რადგან ეს არის ადგილი, რომელიც აკმაყოფილებას ყველა სტანდარტს, როგორც სამედიცინო, ასევე უსაფრთხოების მიმართულებით, – ამის შესახებ ნათქვამია საქართველოს პრეზიდენტის, სალომე ზურაბიშვილის განცხადებაში. პრეზიდენტი მიიჩნევს, რომ ეს გადაწყვეტილება სრულად პასუხობს სტრასბურგის სასამართლოს მოთხოვნას, რომელსაც წინასწარ დაეთანხმა თვით, ყოფილი პრეზიდენტი და განაცხადა, რომ შეწყვეტდა შიმშილობას მულტიპროფილურ კლინიკაში გადაყვანის შემთხვევაში. „მივესალმები ასევე, ელენე ხოშტარიას გადაწყვეტილებას შიმშილობის შეწყვეტასთან დაკავშირებით. მნიშვნელოვანი და სწორია ოპოზიციის მზაობა არ გამართოს საპროტესტო აქციები კლინიკის მიმდებარე ტერიტორიაზე და ასევე, ზოგი პარტიის გადაწყვეტილება პარლამენტის ბოიკოტის შეწყვეტის შესახებ. დღევენდელი გადაწყვეტილებები წინ გადადგმული ნაბიჯებია, რაც საზოგადოების დაწყნარებასა და ქვეყნის სტაბილურობას…

იხილე

გორის ჰოსპიტალი სრულად არის აღჭურვილი იმ მატერიალურ-ტექნიკური ბაზით, რომელიც ესაჭიროება სააკაშვილს

ჯანდაცვის მინისტრის, ეკატერინე ტიკარაძის განცხადებით, გორის ჰოსპიტალი სრულად არის აღჭურვილი იმ მატერიალურ-ტექნიკური ბაზით, რომელიც ესაჭიროება მიხეილ სააკაშვილს. „პირველ რიგში, მადლობას ვუხდი ექიმებს, რომლებიც მონაწილეობდნენ კონსილიუმებში. მათი როლი იყო ძალიან დიდი და მნიშვნელოვანი. ასევე მადლობას ვუხდი იმ ექიმებს, რომლებიც მკურნალობდნენ სააკაშვილს. მათ აიღეს მაღალი პასუხისმგებლობა, გამოიჩინეს მაღალი პროფესიონალიზმი და განვლეს ძალიან რთული გზა, ვინაიდან ისინი ბულინგის მსხვერპლი იყვნენ. ჩვენ, ექიმები, არ ვარჩევთ პაციენტებს და ყოველთვის ვიღებთ გადაწყვეტილებებს პაციენტის სასარგებლოდ. მნიშვნელოვანია, რომ ექიმის ხელშეუხებლობა იყოს დაცული და ეს აუცილებლად უნდა იყოს გათვალისწინებული სამომავლოდ. სააკაშვილს რუსთავშიც და გლდანშიც უტარდებოდა ყველა საჭირო ღონისძიება და…

იხილე

ეკა ხერხეულიძე: მიხეილ სააკაშვილს წინააღმდეგობა არ აქვს გორის ჰოსპიტალთან დაკავშირებით, მაგრამ აქვს ერთი პირობა

„ერთადერთი რამ, რაც შეიძლება ამ ეტაპზე შემაფერხებელი იყოს, არის შემდეგი. მას აქვს ერთი პირობა, რის გამოც დაიბარა უკრაინის კონსული და პირადი ადვოკატი ნიკა გვარამია. ერთად გაივლიან ამ ტექნიკურ დეტალს, რის შემდეგაც, ნიკა გვარამია მოგახსენებთ გადაწყვეტილებას“, – განაცხადა „ნაციონალური მოძრაობის“ წევრმა, ეკა ხერხეულიძემ გლდანის მე-18 სამკურნალო დაწესებულებაში მიხეილ სააკაშვილის მონახულების შემდეგ. ჟურნალისტებთან საუბრისას, მას არ დაუკონკრეტებია, თუ რა ტექნიკურ დეტალზეა საუბარი. „მას წინააღმდეგობა არ აქვს გორის ჰოსპიტალთან დაკავშირებით. არა იმიტომ, რომ მოხარულია ამ ლოკაციით, არამედ იმიტომ, რომ მისთვის არანაირი მნიშვნელობა არ აქვს, ახლა სად გადაიყვანენ. მისთვის მნიშვნელობა აქვს, ბრძოლა როგორ გაგრძელდება ამ ქვეყანაში. ამიტომ, ის ტექნიკური…

იხილე

რატომ შეირჩა სააკაშვილის გადასაყვანად გორის ჰოსპიტალი – იუსტიციის მინისტრის განმარტება

რატომ შეირჩა გორის ჰოსპიტალი – იუსტიციის მინისტრი განმარტებას აკეთებს. რატი ბრეგაძის თქმით, გიორგი აბრამიშვილის სახელობის თავდაცვის სამინისტროს სამხედრო ჰოსპიტალი არის ადგილი სადაც მიხეილ სააკაშვილის ჯანმრთელობა და უსაფრთხოება მაქსიმალურად იქნება დაცული.  “იმიტომ, რომ ეს არის ადგილი, როგორც მისი ჯანმრთელობა, ასევე, მისი უსაფრთხოება იქნება მაქსიმალურად დაცული,” – განაცხადა მინისტრმა. ცნობისთვის, ცოტა ხნის წინ, როგორც იუსტიციის მინისტრმა რატი ბრეგაძემ განაცხადა, მთავრობა მიხეილ სააკაშვილს გორის სამხედრო ჰოსპიტალში გადაყვანა შესთავაზა. 

იხილე

მიხარია, რომ ეს შეთავაზება გაკეთდა – დავით სერგეენკო ექსპრეზიდენტის გორის ჰოსპიტალში გადაყვანაზე

იუსტიციის სამინისტროს შეთავაზებას, გადაიყვანონ მსჯავრდებული ექსპრეზიდენტი გორის სამხედრო ჰოსპიტალში, ვიცე-სპიკერი დავით სერგეენკო მიესალმება და სწორ გადაწყვეტილებად აფასებს. სერგეენკომ კიდევ ერთხელ მოუწოდა მოშიმშილეებს, რომ შეწყვიტონ შიმშილობა.   “ინფორმაცია, რომელიც ახლა გაავრცელა იუსტიციის მინისტრმა, მართლაც მისასალმებელია და მიხარია, რომ ეს შეთავაზება გაკეთდა.  პირველი ის, რომ სამედიცინო ნაწილში გორის ჰოსპიტალი ერთ-ერთი საუკეთესო, მრავალპროფილური სამედიცინო დაწესებულებაა. ძალიან დიდი გამოცდილებით და მეორე თვითონ გადაწყვეტილების საფუძველი იყო, არა მხოლოდ პაციენტ მიხეილ სააკაშვილის ჯანმრთელობის მდგომარეობაზე ზრუნვა  არამედ სხვა ადამიანებზეც, რომელებიც პროტესტს გამოხატავდნენ სააკაშვილის სამოქალაქო კლინიკაში გადაყვანაზე. ყველას მინდა ხაზგასმით ვთხოვო, ის ვინც გამოხატავს პროტესტს შიმშილობით, რომ შეწყვიტონ შიმშილობა,”- განაცხადა…

იხილე

სინოპტიკოსების პროგნოზით, 20-21 ნოემბერს საქართველოს ზოგიერთ რაიონში წვიმა, მაღალმთაში კი თოვლია მოსალოდნელი

20-21 ნოემბერს საქართველოს ზოგიერთ რაიონში გაწვიმდება, მაღალმთაში მოთოვს. იქროლებს დასავლეთის მიმართულების ქარი. ჰაერის ტემპერატურა +10, +15 გრადუსის ფარგლებში იქნება. გარემოს ეროვნული სააგენტოს ინფორმაციით, 22-23 ნოემბერს გამოიდარებს და კვლავ თბილი და უნალექო ამინდია მოსალოდნელი. ჰაერის ტემპერატურა დღის საათებში დასავლეთ საქართველოს დაბლობში +15, +20, აღმოსავლეთ საქართველოს ბარში +12, +17 გრადუსამდე მოიმატებს. თბილისში 24 ნოემბრამდე უნალექო ამინდი შენარჩუნდება. 20-21 ნოემბერს იქროლებს ჩრდილო-დასავლეთის მიმართულების ქარი. ჰაერის ტემპერატურა +14, +16 გრადუსის ფარგლებში დაფიქსირდება.

იხილე

იუსტიციის მინისტრის განცხადებით, მიხეილ სააკაშვილს გორის სამხედრო ჰოსპიტალში გადაყვანას სთავაზობენ

იუსტიციის მინისტრი რატი ბრეგაძე საქართველოს მესამე პრეზიდენტს, მსჯავრდებულ მიხეილ სააკაშვილს გორის სამხედრო ჰოსპიტალში გადაყვანას სთავაზობს. „ ვთავაზობთ, რომ იგი გადაყვანილი იყოს გიორგი აბრამიშვილის თავდაცვის სამინისტროს სამხედრო ჰოსპიტალში“, – განაცხადა მინისტრმა. აღნიშნულის შესახებ იუსტიციის მინისტრმა, რატი ბრეგაძემ იუსტიციის სამინისტროში გამართულ ბრიფინგზე განაცხადა. ცნობისთვის, მიხეილ სააკაშვილი გლდანის მე-18 სამკურნალო დაწესებულებაში იმყოფებოდა. გუშინ, ღამე მისი ჯანმრთელობის მდგომარეობა დამძიმდა. კერძოდ, მან გონება დაკარგა, რის შემდეგაც ის რეანიმაციულ განყოფილებაში გადაიყვანეს.

იხილე